ಜೈ ತುಲುನಾಡ್ (ರಿ.) ಕೂಟದ ಬಗ್ಗೆ ತೆರಿಯೊನ್ಲೆ

ವಿ.ಸೂ: ನನಾತ್ ಮಾಹಿತಿ ಸೇರಾಯರೆ ಉಂಡು. ದುಂಬುದ ದಿನೊಟು ಸೇರಾವ

ಕೂಟದ ಪೊಲಬು

ಜೈ ತುಲುನಾಡ್ (ರಿ) ಪನ್ಪಿನವು ತುಲುನಾಡ್ಡ್ ಉಪ್ಪುನ ತುಲುವೆರೆನ ಒಂಜಿ ಸಂಗಟನೆ. ಉಂದು ತುಲು ಬಾಸೆ ಬೊಕ್ಕ ತುಲು ಲಿಪಿ, ತುಲು ಸಂಸ್ಕೃತಿದ ಒರಿಪುಗೋಸ್ಕರ ಬೇಲೆ ಮಲ್ಪುನಂಚಿನ ಸಂಗಟನೆ. ಉಂದು ೨೦೧೪ ಆಗೋಸ್ತು ೧೦ ಕ್ಕ್ ಮೂಲ್ಕಿಡ್ ಸುರು ಆಂಡ್ ಅವೆಡ್ದ್ ಬೊಕ್ಕ ೨೦೧೫ ಅಗೋಸ್ತು ೧೦ ಕ್ಕ್ ನೊಂದಾವಣೆ ಆಂಡ್. ಅವೆಡ್ದ್ ಬೊಕ್ಕ ಇನಿ ಮುಟ್ಟ ತುಲುನಾಡ್ದ ತುಲು ಬಾಸೆ, ತುಲುವೆರೆನ ಪರಪೋಕುಲೆನ ಒರಿಪುಗೋಸ್ಕರ ಪೊರಂಬೊಂದುಂಡು. ತುಲು ಲಿಪಿ ಕಲ್ಪೆರೆ ಅಸಕ್ತಿ ಇತ್ತಿನಕುಲೆಗ್ ಅನ್ಲೈನ್ ಅಂಚನೆ ಆಫ್ಲೈನ್ ಮುಖಾಂತರ ತುಲುಲಿಪಿ ಕಲ್ಪಾಪಿನಂಚಿನ ಬೇಲೆ ಮಾನ್ತೊಂತುಂಡು.

News:

1. Mangalore Meri Jaan:

Click here to read

2. New Indian Express:

Click here to read..

ಕೂಟ ಉಂಡಾಯಿನಿ ಎಂಚ?

ತುಲು ಬಾಸೆ,‌ ನೆಲ,  ಲಿಪಿ ಸಂಸ್ಕೃತಿಗ್ ಆಪಿನ ಅನ್ಯಾಯೊದ ಬಗೆಟ್‌ ಸಾಮಾಜಿಕ ಜಾಲತಾಣೊಡು ನಿರಂತರ ಚರ್ಚೆಲು ಆವೊಂದು ಇತ್ತ್ಂಡ್. ಈ ಪೊರ್ತುಡು ಕೆಲವಾತ್ ಜವನೆರ್ ಅನ್ಯಾಯೊನು ತಡೆತ್ತ್‌ದ್ ನ್ಯಾಯ ತಿಕ್ಕುಲಕ ಮಲ್ಪೊಡು ಪನ್ಪಿನ ಒಂಜಿ ಮಲ್ಲ ಕನೊನು ದೀವೊಂದು.

• "ಜೈ ತುಲುನಾಡ್" ಪನ್ಪಿ ಪುದರ್‌ ಎಂಚ ಬತ್ತ್ಂಡ್?

ಸಾಮಾಜಿಕ ಜಾಲತಾಣೊಡು ಇತ್ತಿನ ಜವನೆರೆನ್ ಒಟ್ಟು ಮಲ್ತ್‌ದ್ ಒಂಜಿ ಕೂಟ ಮಲ್ಪುನಗ‌ ಅವು ಜವನೆರೆನ ಉಡಲ್ ಮುಟ್ಟುನಂಚಿನ ಪುದರ್ ಆವೊಡು ಪನ್ಪಿನ ಆಲೋಚನೆಡ್.......

• ಸುರುತ್ತ ಕೂಡುಪಟ್ಟಾಂಗ

ಕೂಟ‌‌ ಒಂಜಿ ಮಲ್ಪೊಡು ಪನ್ಪಿನ  ಉದ್ದೇಶೊಡು 10 ಆಗಸ್ಟ್ 2014ನೇ ತೇದಿಗ್ ಮುಲ್ಕಿದ ಸ್ವಾಗತ್ ಹೊಟೇಲ್‌ದ ಸಭಾಂಗಣೊಡು ಸುರುತ್ತ ಕೂಡು ಪಟ್ಟಾಂಗದ ಅಟ್ಟನೆ ಮಲ್ತ್ಂಡ್

• ನೋಂದಾವಣಿ ಯಾಪ ಆಯಿನಿ?10 ಆಗಸ್ಟ್ 2೦15 ತೇದಿಗ್ ನೋಂದಾವಣಿ ಆತ್ಂಡ್

ಕೇಂದ್ರ ಕಛೇರಿ:

Jai Tulunad (R.), Head Office, Near Canara Bank, Pancha Mahal Road, Mulki -

WEBSITE:

www.jaitulunad.in

EMAIL: 

central.jaitulunad@gmail.com

ಜೈ ತುಲುನಾಡ್ (ರಿ.) :

ಜೈ ತುಲುನಾಡ್ (ರಿ) ಪನ್ಪಿನವು ತುಲುನಾಡ್ಡ್ ಉಪ್ಪುನ ತುಲುವೆರೆನ ಒಂಜಿ ಕೂಟ. ಉಂದು ತುಲು ಬಾಸೆ ಬೊಕ್ಕ ತುಲು ಲಿಪಿ, ತುಲು ಸಂಸ್ಕೃತಿದ ಒರಿಪುಗೋಸ್ಕರ ಬೇಲೆ ಮಲ್ಪುನಂಚಿನ ಸಂಗಟನೆ. ಉಂದು 2014 ಆಗೋಸ್ತು 10 ಕ್ಕ್ ಮೂಲ್ಕಿಡ್ ಸುರು ಆಂಡ್ ಅವೆಡ್ದ್ ಬೊಕ್ಕ 2015 ಅಗೋಸ್ತು 1೦ ಕ್ಕ್ ನೊಂದಾವಣೆ ಆಂಡ್. ಅವೆಡ್ದ್ ಬೊಕ್ಕ ಇನಿ ಮುಟ್ಟ ತುಲುನಾಡ್ದ ತುಲು ಬಾಸೆ, ತುಲುವೆರೆನ ಪರಪೋಕುಲೆನ ಒರಿಪುಗೋಸ್ಕರ ಪೊರಂಬೊಂದುಂಡು. ತುಲು ಲಿಪಿ ಕಲ್ಪೆರೆ ಅಸಕ್ತಿ ಇತ್ತಿನಕುಲೆಗ್ ಅನ್ಲೈನ್ ಅಂಚನೆ ಆಫ್ಲೈನ್ ಮುಖಾಂತರ ತುಲುಲಿಪಿ ಕಲ್ಪಾಪಿನಂಚಿನ ಬೇಲೆ ಮನ್ತೊಂತುಂಡು.

ಲಾಂಛನ (LOGO):

ಜೈ ತುಲುನಾಡ್ (ರಿ.) ಕೂಟದ ಅಧಿಕೃತ ಲಾಂಛನ ಉಂದು. ಈ ಲಾಂಛನನ್ ಏರ್ಲಾ ದುರುಪಯೋಗ ಮಲ್ಪರೆ ಬಲ್ಲಿ. ಮಲ್ತ್ಂಡ ಕಾನೂನು ರೀತಿ ಕ್ರಮ ಕೈದೆತೊನುವ.

ಲಾಂಛನದ ಬಗ್ಗೆ:

ಲಾಂಛನಡ್ ಕೇಪುಲ ರಂಗ್‌ದ ಕೊಡಿ ಉಂಡು. ಉಂದು ತುಲುನಾಡ ಕೊಡಿತ(ಬಾವುಟದ) ಸಂಕೇತವಾದುಂಡು. ಉಂದು ತುಲುನಾಡ್‌ನ್ ಪ್ರತಿಬಿಂಬಿಸಾವುಂಡು. ಅಂಚೆನೆ ಉಂದೆತ ಸುತ್ತ ಉಪ್ಪುನ ಕೇಸರಿ, ಬೊಲ್ದು, ಪಚ್ಚೆ ಬಣ್ಣ ನಮ್ಮ ಭಾರತ ದೇಶದ ಸಂಕೇತವಾದುಂಡು. ಅಂಚಿ ಇಂಚಿಡ್ ಉಪ್ಪುನ ಪಿಲಿ ದೇಶ ಬೊಕ್ಕ ತುಲುನಾಡ್‌ನ್ ಕಾಪುನ ತುಲುವೆರೆನ ಸಂಕೇತವಾದುಂಡು. ಉಂದೆತ ಅರ್ಥ "ಪ್ರತಿಯೊರಿ ತುಲುವೆಲಾ ಭಾರತ ದೇಶೊನುಲಾ, ತುಲುನಾಡ್‌ಲಾ ಪಿಲಿತಲಕ ಕಾಪುವೆ" ಪಂದ್.

ಎಗ್ಗೆಲು (ಘಟಕೊಲು):

ಜೈ ತುಲುನಾಡ್ (ರಿ.) ಕುಡ್ಲ ಎಗ್ಗೆ

ಜೈ ತುಲುನಾಡ್ (ರಿ.) ಕಾಸ್ರೋಡ್ ಎಗ್ಗೆ

ಜೈ ತುಲುನಾಡ್ (ರಿ.) ಬೆಂಗಳೂರ ಎಗ್ಗೆ

ಜೈ ತುಲುನಾಡ್ (ರಿ.) ಒಡಿಪು ಎಗ್ಗೆ

ಜೈ ತುಲುನಾಡ್ (ರಿ.) ಕಾರ್ಲ ಎಗ್ಗೆ

ಸುರುತ್ತ ಕೇಂದ್ರ ಸಮಿತಿದ ರಚನೆ:

ಕೂಟ ಮಲ್ತಿ ಬೊಕ್ಕ ಐಕೊಂಜಿ ಕೇಂದ್ರ ಸಮಿತಿ ಬೋಡು ಪನ್ಪಿನ ದಿಟ್ಟಿಡ್ ಸುರುತ್ತ ಕೇಂದ್ರ ಸಮಿತಿ ಎಪ್ರಿಲ್ 2೦15ಗ್ ರಚನೆ ಆಂಡ್

ತುಲು ಲಿಪಿ:

ಬೇಲೆಲು:

ತುಲುಬಾಸೆ ಅಧಿಕೃತ ಬಾಸೆ ಆವೊಡು

ತುಲುಬಾಸೆ ರಾಜ್ಯದ ಅಧಿಕೃತ ಬಾಸೆ ಆವೊಡು ಪನ್ಪಿನ ನೆಲೆಟ್ ಜೈ ತುಲುನಾಡ್ ಮಸ್ತ್ ಬೆಲೆ ಮಲ್ತೊಂದುಂಡು.

ಸಂವಿಧಾನೊಡು ತುಳುಬಾಸೆ ಸೇರ್ಪಡೆ

ತುಳು ಬಾಸೆಗ್ ಸಂವಿಧಾನೊದ ೮ನೇ ಪರಿಚ್ಚೇದೊಡು ಸ್ಥಾನಮಾನಾ ತಿಕ್ಕೊಡು ಪನ್ಪಿ ಬೇಡಿಕೆನ್ ಸಾಮಾಜಿಕ ಜಾಲ ತಾಣದ ಮುಖಾಂತರ ಅಭಿಯಾನ ಮಲ್ತಂಡ್.

ತುಲು ಬಾಸೆದ ಕಲ್ಪಾಟಿಕೆ:

ದೇಸೊ ವಿದೇಸೊಡು ಇತ್ತ್ದ್ ತುಳು ಕಲ್ಪೆರೆ ಆಸಕ್ತಿ ಇತ್ತಿನಕುಲೆಗ್ ಅನ್ಲೈನ್ ಮುಖಾಂತರ ತುಳು ಬಾಸೆ ಕಲ್ಪಾವೊಂದುಂಡು.

ನಂಬೊಲಿಗೆದ ರಕ್ಷಣೆ:

ಜೈ ತುಲುನಾಡ್ (ರಿ) ಸಂಗಟನೆ ತುಲುವೆರೆನ ನಂಬಿಕೆದ ಬೂತಾರಾದನೆ ಬೊಕ್ಕ ನಾಗಾರಾದನೆನ್ ನಿಂದನೆ ಮಲ್ಪುನಕುಲೆನ ವಿರುದ್ದ ಕಾನೂನು ರೀತಿದ ಪೊರಂಬಾಟ ಮಲ್ತೊಂದು ನಮ್ಮ ಸಂಪ್ರದಾಯ, ದರ್ಮೊನು ಒರಿಪುನ ಕೆಲಸ ಮಲ್ತೊಂದುಂಡು.

ಬಲೆ ತುಲು ಲಿಪಿ ಕಲ್ಪುಗ:

ತುಲುನಾಡ್‌ದ ಮಾತ ಜನಕುಲು ತುಲು ಲಿಪಿನ್ ಕಲ್ಪಾವೊಡು ಪನ್ಪಿನ ಉದ್ದೇಶೊನು ದೀವೊಂದು ಜೈ ತುಲುನಾಡ್ (ರಿ.) ಕೂಟೊ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಒಟ್ಟುಗು ಸೇರೊಂದು ತುಲುನಾಡೊರ್ಮೆ  ಉಪ್ಪುನ ಸಂಘ ಸಂಸ್ಥೆಲೆನ್ ಒಟ್ಟು ಪಾಡೊಂದು ದೇಶ - ವಿದೇಶೊಡುಲಾ ತುಲು ಲಿಪಿನ್ ಕಲ್ಪಾವೊಂದುಂಡು. ತುಲುನಾಡೊರ್ಮೆ 50 ಮುಟ್ಟ ಆಫ್‌ಲೈನ್ ಕಜ್ಜಕೊಟ್ಯ ಅಂಚೆನೆ ಆನ್‌ಲೈನ್‌ಡ್ 150ಡ್ದ್ ಜಾಸ್ತಿ ಕಜ್ಜಕೊಟ್ಯೊಲು ನಡತ್‌ದ್ಂಡ್. ತುಲು ಲಿಪಿನ್ ಕಲ್ಪಾವುನೆತ  ಮೇಲುಸ್ತುವಾರಿ ತೂವರೆಗಾದ್ ಜೈ ತುಲುನಾಡ್ (ರಿ.) ಕೂಟ 2020ನೇ ಇಸವಿಡ್ ತುಲು ಲಿಪಿ ಸಮಿತಿ (Tulu Script Committee) ಪನ್ಪಿನ ಉಪ ಸಮಿತಿನ್ ರಚನೆ ಮಲ್ದ್ಂಡ್.

ONLINE REGISTRATION FORM (2024-25):

Click here to registration

News:

1. Deccan Herald: Click here to read..

2. Times Of Kudla: Click here to read..

3. Daijiworld News: Click here to read..

4. Mangalore City: Click here to read..

ತುಲು ಲಿಪಿ ಸಮಿತಿ (Tulu Script Committe) - TSC:

               ತುಲು ಲಿಪಿತ ವಿಚಾರೊಡು ಬೆನ್ತಿನಕುಲು, ಅನುಭವ ಇತ್ತಿನಕುಲು ಉಂದೆತ ಮೇಲ್ವಿಚಾರಣೆ ತೂವೊನುವೆರ್. ತುಲು ಲಿಪಿ ಕಲ್ಪಾವುನ "ಬಲೆ ತುಲು ಲಿಪಿ ಕಲ್ಪುಗ" ಪನ್ಪಿನ  ಕಜ್ಜಕೊಟ್ಯಲಾ ಉಂದೆ ಸಮಿತಿದ ಮೇಲುಸ್ತುವಾರಿಡ್ ನಡತ್ತೊಂದುಪ್ಪುನು. ತುಲು ಲಿಪಿ ಸಮಿತಿ ತುಲು ಲಿಪಿ ತರಗತಿನ್ ನಡಪಾದ್ ಕೊರ್ಪಿನ ಜಬದಾರಿನ್ ದೆತೊಂದು, ಆ ಕಜ್ಜಕೊಟ್ಯಗ್ ಬೋಡಾಯಿನ ಶಿಕ್ಷಕೆರೆನ್ ಒದಗಾದ್ ಕೊರ್ಪುಂಡು. ತುಲು ಪರೀಕ್ಷೆದ ಸಂಪೂರ್ಣ ನಿರ್ವಾಹಣೆಲಾ ತುಸು ಲಿಪಿ ಸಮಿತಿ ಮಲ್ಪುಂಡು. ಆನ್‌ಲೈನ್‌ ಬೊಕ್ಕ ಆಫ್‌ಲೈನ್‌ಡ್ ಪರೀಕ್ಷೆಲೆಮ್ ಯಶಸ್ವಿಯಾದ್ ನಡಪಾದ್ಂಡ್. ಪರೀಕ್ಷೆಗ್ ಬೋಡಾಯಿನ ಪ್ರಶ್ನಾ ಪತ್ರಿಕೆ ತಯಾರಿ, ಉತ್ತರ ಪತ್ರಿಕೆ ತಿದ್ದಿಗೆ, ಫಲಿತಾಂಶ ಪ್ರಕಟಣೆದ ಜಬದಾರಿನ್‌ಲಾ ತುಲು ಲಿಪಿ ಸಮಿತಿ ತೂವೊನುಂಡು. ತುಲು ಲಿಪಿ  ಕಲ್ದಿನಕಲೆಗ್ ತರಭೇತಿ ಕೊರ್ದು ತುಲು ಶಿಕ್ಷಕೆರನ್ನಾದ್ ತಯಾರ್ ಮಲ್ಪುಂಡು, ಐತ ಒಟ್ಟಿಗೆ ಅಕಲೆಗ್ ತುಲು ಲಿಪಿ ಕಲ್ಪಾಯರೆ ಅವಕಾಶ ಮಲ್ತ್‌‌ದ್ ಕೊರ್ಪುಂಡು.

ತುಲು ಲಿಪಿ ಸಮಿತಿದ ನಿದಯಂತೆರ್ ಬೊಕ್ಕ ಪದುಕೆರ್:

ತುಲು ಲಿಪಿ ಸಮಿತಿನ್ ನಡಪಾಯೆರೆಗ್ ಜೈ ತುಲುನಾಡ್ (ರಿ.) ಕೂಟ ತುಲು ಲಿಪಿ ಸಮಿತಿಗ್ ನಿದಯಂತೆರೆನ್ (ಮೇಲ್ವಿಚಾರಕೆರೆನ್) ಬೊಕ್ಕ ಪದುಕೆರೆನ್ ಅಜಪುಂಡು. ಐತ ಮಾಹಿತಿಗಾದ್ . ಉಂದೆನ್ ಒತ್ತುಲೆ, Click here

ನಡತಿನ ಆಫ್‌ಲೈನ್ ಬಲೆ ತುಲು ಲಿಪಿ ಕಲ್ಪುಗ ಕಜ್ಜಕೊಟ್ಯೊಲು:

ಜೈ ತುಲುನಾಡ್ (ರಿ.) ಕೂಟೊರ್ದು ತುಲುನಾಡ್‌ದ ಊರುಲೆಡ್, ಶಾಲಾ ಕಾಲೇಜ್‌ಲೆಡ್ ತುಲು ಲಿಪಿ ಕಲ್ಪಾವುನ ಕಜ್ಜಕೊಟ್ಯ ನಿರಂತರವಾದ್ ನಡತ್ತೊಂದುಂಡು. ಓಲು ಮಾತ ಕಜ್ಜಕೊಟ್ಯ ನಡತ್ತ್ಂಡ ಪನ್ಪಿನ ಮಾಹಿತಿಗಾದ್, ಮುಲ್ಪ ಒತ್ತುಲೆ, Click here

ತುಲು ಲಿಪಿ ಕಲ್ಪಾದಿಲು: ಕಲ್ಪಾದಿಲೆಗ್ ತರಬೇತಿ: ಆನ್ಲೈನ್ ಅಂಚನೆ ಅಫ್ಲೈನ್ ಕ್ಲಾಸ್ ನಡಪಾದ್ ದೇಸೊ ವಿದೇಸೊದ ಕಲ್ಪಾರ್ತಿಲೆಗ್ ತುಳುಲಿಪಿ ಕಲ್ಪಾದ್ ಕೊರ್ದು ಪರೀಕ್ಷೆ ಬರೆಪಿನಂಚಿನ ಅವಕಾಶ ಮಲ್ತ್ ಕೊರೊಂದುಂಡು ತುಲು ಬರವು ಫಾಂಟ್:

ಜೈ ತುಲುನಾಡ್(ರಿ.) ಮುತಾಲಿಕೆಡ್ ತುಲು ಬರವು ಪನ್ಪಿ ಫಾಂಟ್ ಬೊಲ್ಪುಗು ಬೈದ್ಂಡ್. ಈ ಫಾಂಟ್ನ್ ನಮ್ಮ ಮೊಬೈಲ್ ಬೊಕ್ಕ ಕಂಪ್ಯೂಟರ್ಡ್ ಪಾಡ್ದಿತ್ತ್ಂಡ ನಮ ತುಲು ಲಿಪಿ ಟೈಪ್ ಮಲ್ಪೊಲಿ. ಈ ಫಾಂಟ್ ಗಳಸೊಂದು ಬ್ಯಾನರ್, ಆಮಂತ್ರಣ ಪತ್ರಿಕೆ, ಪುದರ್ ಪಲವೆ ಮಾತ ತಯಾರ್ ಮಲ್ಪೊಲಿ.

Click here to read more

ಶ್ರೀ ದುರ್ಗಾಪರಮೇಶ್ವರಿ ದೇವಳ ಕನ್ನಡ ಮಾಧ್ಯಮ ಪ್ರೌಢ ಶಾಲೆ ಕಟೀಲ್ - 19.06.2024:

ಶ್ರೀ ದುರ್ಗಾಪರಮೇಶ್ವರಿ ದೇವಳ ಕನ್ನಡ ಮಾಧ್ಯಮ ಪ್ರೌಢ ಶಾಲೆ ಕಟೀಲ್‌ಡ್ ತೇದಿ 19.06.2೦24 ಬುದಾರದಾನಿ ಮದ್ಯಾನ 3:30 ಗಂಟೆಗ್ ಕಜ್ಜಕೊಟ್ಯಗ್ ಚಾಲನೆ ತಿಕ್ಂಡ್. ಕಲ್ಪಾದಿಲು ಆದ್ ಕಿರಣ್ ತುಲುವೆೆ, ಚಿರಶ್ರೀ, ಉದಯ್ ಪೂಂಜ, ಪೃಥ್ವಿ ತುಲುವೆ, ಪ್ರತೀಕ್ ತುಲುವೆ ಬೊಕ್ಕ ಪ್ರಶಾಂತ್ ಪೂಜಾರಿ ಕಜ್ಜಕೊಟ್ಯನ್ ನಡಪಾದ್ ಕೊರಿಯೆರ್.

Click here to read more..

ಶ್ರೀ ದುರ್ಗಾಪರಮೇಶ್ವರಿ ದೇವಳ ಆಂಗ್ಲ ಮಾಧ್ಯಮ ಪ್ರೌಢ ಶಾಲೆ ಕಟೀಲ್ - 20.06.2024:

ಶ್ರೀ ದುರ್ಗಾಪರಮೇಶ್ವರಿ ದೇವಳ ಆಂಗ್ಲ ಮಾಧ್ಯಮ ಪ್ರೌಢ ಶಾಲೆ ಕಟೀಲ್‌ಡ್ ತೇದಿ 20.06.2೦24 ಗುರುವಾರದಾನಿ ಮದ್ಯಾನ 3:30 ಗಂಟೆಗ್ ಕಜ್ಜಕೊಟ್ಯಗ್ ಚಾಲನೆ ತಿಕ್ಂಡ್. ಕಲ್ಪಾದಿಲು ಆದ್ ಕಿರಣ್ ತುಲುವೆೆ, ಚಿರಶ್ರೀ, ಉದಯ್ ಪೂಂಜ, ಪೃಥ್ವಿ ತುಲುವೆ, ಪ್ರತೀಕ್ ತುಲುವೆ ಬೊಕ್ಕ ಪ್ರಶಾಂತ್ ಪೂಜಾರಿ ಕಜ್ಜಕೊಟ್ಯನ್ ನಡಪಾದ್ ಕೊರಿಯೆರ್.

Click here to read more:

ವಂಜಾರಕಟ್ಟೆ ಆಂಗ್ಲ ಮಾಧ್ಯಮ ಶಾಲೆ, ವಂಡಾರಕಟ್ಟೆ ಬೋಳ ಕಾರ್ಲ 19.10.2024:

ಮೊಕಲ್ನ ಮುತಾಲಿಕೆಡ್ ಜೈ ತುಲುನಾಡ್ (ರಿ.) ಕೂಟದ ಒಟ್ಟು ಸೇರಿಗೆಡ್ ತೇದಿ 19.10.2024 ಸನಿಯಾರದಾನಿ "ಬಲೆ ತುಲು ಲಿಪಿ ಕಲ್ಪುಗ" ಕಜ್ಜಕೊಟ್ಯದ ಉದಿಪನ ಲೇಸ್ ನಡತ್ಂಡ್.

click to more details

ಕೊಪ್ಪರಿಗೆ - ತುಳು ಆನ್ಲೈನ್ ಡಿಕ್ಷನರಿ - 02.07.2021 : ಕೊಪ್ಪರಿಗೆ ಪನ್ಪಿ ಪುದರ್ ದ ಆನ್ಲೈನ್ ಡಿಕ್ಷನರಿನ್ ಬೊಲ್ಪುಗು ಕನತ್ಂಡ್ ತುಳು ಶಬ್ದೊಗು ಇಂಗ್ಲೀಷ್, ಹಿಂದಿ, ಮಲಯಾಳಂ, ಕನ್ನಡ ಇಂಚ ಬೇತೆ ಬೇತೆ ಬಾಸೆದ ಅರ್ಥೊನು ಈ ಡಿಕ್ಷನರಿಡ್ ನಾಡೊಲಿ. ಅರಿದ್ ಪೋಪಿನಂಚಿನ ತುಳು ಪದೊಕುಲೆನ್ ಪಿರ ಗಳಸೊಲಿ ಈ ನಿಘಂಟಿದ ವಿಶೇಷತೆ ಪಂಡ ಪದೊಕುಲೆನ್ ತುಳು ಲಿಪಿಡ್ ಬರೆತ್ಂಡ್ ಬೊಕ್ಕ ಪ್ರತಿ ಪದೊತ ಉಚ್ಚಾರಣೆ ಧ್ವನಿಮುದ್ರಿತ ಧ್ವನಿ ರೂಪೊಡು ಉಂಡು.

Click here to read more..

ಗೇನ ಸಿರಿ : ತುಳು - ಕನ್ನಡ ತಂತ್ರಾಂಶ 02.07.2೦22:

ಗೇನಸಿರಿ - ತುಳು ಲಿಪಿತ್ತ ಲಿಪ್ಯಂತರ ತಂತ್ರಾಂಶನ್ ಬೆಂಗಳೂರುಡ್ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಚಿವೆರಾಯಿನ ಶ್ರೀ ವಿ.ಸುನಿಲ್ ಕುಮಾ‌ರ್ ಮೇರ್ ಬುಡುಗಡೆ ಮಲ್ತೆರ್‌. ಈ ತಂತ್ರಾಂಶನ್ ಜ್ಞಾನೇಶ್ ದೇರಳಕಟ್ಟೆ ಅಭಿವೃದ್ದಿ ಮಲ್ದೆರ್. ಈ ತಂತ್ರಾಂಶದ ಸಾಯೊಡು ಕನ್ನಡ ಲಿಪಿಡ್ದ್ ತುಲು ಲಿಪಿಕ್ ಲಿಪ್ಯಂತರ ಮಲ್ಪೊಲಿ.

Click here to read more..

ಗೇನ ಸಿರಿ : ತುಳು - ಮಲಯಾಳಂ ತಂತ್ರಾಂಶ 18.07.2೦22:

ಮಲಯಾಳಂ ಲಿಪಿಟ್ ಬರೆಂಡ ತುಲು ಲಿಪಿಟ್ ಬರೆಪಿನಂಚಿನ ತಂತ್ರಾಂಶೊನು ಜೈ ತುಲುನಾಡ್ (ರಿ.) ಕೂಟ 18.07.2024 ತಾರೀಕ್‌ಗ್ ಕಾಸರಗೋಡ್‌ದ ಜಿಲ್ಲಾಧಿಕಾರಿಲೆನ ಕಛೇರಿಡ್ ಜಿಲ್ಲಾಧಿಕಾರಿಲು ಬುಡುಗಡೆ ಮಲ್ತೆರ್. ಈ ತಂತ್ರಾಂಶೊನು ಜೈ ತುಲುನಾಡ್ (ರಿ.) ಕೂಟದ ಪದುಕೆರ್ ಆಯಿನ ಜ್ಞಾನೇಶ್ ದೇರಳಕಟ್ಚೆ ಮೇರ್ ತಯಾರ್ ಮಲ್ತ್ ಇತ್ತೆರ್.

ಮುಲ್ಪ ಒತ್ತುಲೆ, Click here to read more

ಟ್ವೀಟ್ ಅಭಿಯಾನ:

ತುಳು ಬಾಸೆನ್ ರಾಜ್ಯದ ಅಧಿಕೃತ ಮಲ್ಪೊಡು ಅಂಚನೆ ಎಣ್ಮನೆ ಪರಿಚ್ಛೇದೊಗು ಸೇರ್ಪಾವೊಡು ಪನ್ಪಿನ ದಿಟ್ಟಿಡ್ ನಿರಂತರವಾದ್ ಟ್ವೀಟ್ ತುಲುನಾಡ್ ಪನ್ಪಿ ಪುದರ್ಡ್ ಸಾಮಾಜಿಕ ಜಾಲತಾಣೊಲೆಡ್ ಜನ ಜಾಗೃತಿದ ಒಟ್ಟಿಗೆ ಬೇತೆ ಬೇತೆ ತುಲು ಸಂಗ ಸಂಸ್ಥೆಲೆನ ,ತುಲು ಪೇಜಸ್ದಕಲ್ನ ಸಾಕಾರೊಡು ರಾಜ್ಯೊಡು ,ದೇಶೊಡು ಟ್ರೆಂಡ್ ಆಪಿನಂಚಿನ ಟ್ವೀಟ್ ಅಭಿಯಾನಲೊನ್ ನಿರಂತರ ಮಲ್ತೊಂದು ಬೈದ್ಂಡ್.

News:

1. Deccan Herald: Click here to read..

2. Times of Kudla: Click here to read..

3. The Hindu: Click here to read..

4. Deccan Chronicle: Click here to read..

ತುಲುವೆರೆ ಆಟಿ: ತುಲು ನಲಿಕೆ ಬೊಕ್ಕ ಗೊಬ್ಬುಲೆಗ್ ಸಂಬಂದ ಪಟ್ಟಿನ ಪಂತೊಲೆನ್ ದೀದ್ ತುಲು ನಲಿಕೆ ಬೊಕ್ಕ ಗೊಬ್ಬುಲೆಗ್ ಬೆರಿಬಲ ಕೊರೊಂದು ಬೈದ್ಂಡ್. ಉಂದೇ ಪೊರ್ತುಡು ತುಲು ಆಟಿದ ಬಗ್ಗೆ ಜನಕ್ಲೆಗ್ ತೆರಿಪಾವುನ ಕಜ್ಜೊನು ಮಲ್ತ್ಂಡ್. ಬಲೆ ತುಲು ಲಿಪಿಟ್ ಬರೆಕ: ತುಲು ಲಿಪಿಟ್ ತುಲುತ್ತ ಕೆಲವು ಸಬುದೊಲೆನ್, ತನ್‌ಕ್ಲೆನ ಪುದರ್‌ಲೆನ್, ಊರುದ ಪುದರ್‌ಲೆನ್ ಬರೆಪಿನೆಂಚಂದ್ ತುಲುನಾಡ್‌ದ ಮಾತೆರೆಗ್ಲಾ ತೆರಿಪಾವುನ ಉದ್ದೇಶ ದೀವೊಂದು ಜೈ ತುಲುನಾಡ್ (ರಿ.) ಕೂಟ ಸುರು ಮಲ್ದಿನ ಅಭಿಯಾನನೇ "ಬಲೆ ತುಲು ಲಿಪಿಟ್ ಬರೆಕ".

ಯುವಕ/ಯುವತಿ ಮಂಡಲ(ರಿ.) ಬಡಾನಿಡಿಯೂರ್:

ಯುವಕ/ಯುವತಿ ಮಂಡಲ(ರಿ.) ಬಡನಿಡಿಯೂರ್ ಮೊಕುಲೆನ ವತಿರ್ದ್ "ಆಟಿಡೊಂಜಿ ದಿನ" ಲೇಸ್ ಜುಲೈ 21 ಐತಾರ ಸಂಘದ ಸಭಾಂಗಣಡ್ ನಡತ್ಂಡ್. ಈ ಲೇಸ್‌ಡ್ ಜೈ ತುಲುನಾಡ್ (ರಿ.) ಕೂಟೊರ್ದ "ಬಲೆ ತುಲುಟು ಪುದರ್ ಬರೆಕ" ಅಭಿಯಾನ ನಡತ್ಂಡ್ ಈ ಪೊರ್ತುಡು ತುಲು ಭಾಷೆದ ಒರಿಪು ಬುಲೆಚ್ಚಿಲ್‌ಗ್ ಬೆನ್ಪುನ ತುಲುನಾಡ್(ರಿ.) ಸಂಘಟನೆಗ್ ಮಾನಾದಿಗೆ ಮಲ್ತೆರ್. ಮುಲ್ಪ ಒತ್ತುಲೆ, click here to read more...

ಬೆನ್ನಿ ಬದ್‌ಕ್ ಲೇಸ್‌ 21.07.2024:

 ಜುಲೈ 21 : ಕಿನ್ನಿಗೋಳಿದ ತಾಳಿಪಾಡಿಗುತ್ತು ಲಲಿತಾ ಶೆಟ್ಟಿ ಮೇರೆನ ಇಲ್ಲದ ಕಂಡಡ್ ಜೈ ತುಲುನಾಡ್ ( ರಿ) ಸಂಘಟನೆದ ಬೆನ್ನಿ ಬದ್ಕ್ ಕಜ್ಜ ನಡತ್ಂಡ್.  ಕೃಷಿ ಬದ್‌ಕ್ ಎಂಚ ಇತ್ತ್ಂಡ್ ಪಂದ್ ತೆರಿಪಾವುನ ಒಟ್ಟುಗು ಯುವ ಪೀಳಿಗೆಗ್ ಬೆನ್ನಿ ಎಂಚ ಮಲ್ಪುನು ಪಂದ್ ಕಲ್ಪಾದ್ ಕೊರ್ಪಿನ ಲೇಸ್ ಉಂದು ಆದ್ ಇತ್ತ್ಂಡ್. ಮುಖ್ಯವಾದ್ ಈ ಲೇಸ್‌ಡ್ ನೇಜಿ ದೆಪ್ಪುನು, ನೇಜಿ ನಡ್ಪುನೆನ್ ಪೆರಿಯಕುಲು ಯುವ ಪೀಳಿಗೆಗ್ ಕಲ್ಪಾದ್ ಕೊರಿಯೆರ್. ಬೆನ್ನಿದ ಒಟ್ಟುಗು ಗೊಬ್ಬುದ ಪಂತೊಲ ಈ ದಿನ ನಡತ್ತ್ಂಡ್.

Click here to read more.. 

ಆಟಿದ ಕೂಟ - 28.07.2೦24:

ಜೈ ತುಲುನಾಡ್ (ರಿ.) ಕಾಸ್ರೋಡ್ ಎಗ್ಗೆ ಬೊಕ್ಕ ಕೇರಳ ತುಳು ಅಕಾಡೆಮಿದ ಒಟ್ಟು ಸೇರಿಗೆಡ್ "ಆಟಿದ ಕೂಟ" ಲೇಸ್ 28-07-2024 ಐತಾರದಾನಿ ಅಕಾಡೆಮಿದ ಚಾವಡಿಡ್ ನಡತ್ಂಡ್ ತುಲುವ ಸಂಸ್ಕೃತಿ,ಆಚಾರ ವಿಚಾರೊಲು ಮದೆಕ್ ಪೋವೊಂದುಪ್ಪುನ ಬಗೆಟ್,‌ ಅವೆನ್ ಒರಿಪುನ ಬಗೆಟ್, ಬೆನ್ನಿ ಬದ್ಕ್‌ದ ತುಲುವೆರೆನ ಆಟಿದ ದಿನಕುಲು ಎಂಚ ಇತ್ತ್ಂಡ್ ಪನ್ಪಿನ ಬಗೆಟ್ ಈ ಲೇಸ್‌ಡ್ ತೆರಿಪಾಯೆರ್. ಮುಲ್ಪ ಒತ್ತುಲೆ, click here to read more..

ತುಲುನಾಡ ಆಟಿ - ಬೆಂಗಳೂರು 04.08.2೦24:

ಜೈ ತುಲುನಾಡ್ (ರಿ.) ಬೆಂಗಳೂರು ಎಗ್ಗೆದ ಮುತಾಲಿಕೆಡ್ 04.08.2024 ಐತಾರದಾನಿ ಬೆಂಗಳೂರುವ "ಮುಲ್ಕಿ ಸುಂದರ್ ರಾಮ್ ಶೆಟ್ಟಿ ನಗರ" ದ ಎಂಎಸ್ ಆರ್ ಎಸ್ ಸಭಾಂಗಗೊಡು ಬೊಕ್ಕ ಆವರಣೊಡು ನಡತ್ತ್ಂಡ್.

Click here to read more..

  

ನಮ ಮಾತಾ ಒಂಜೇ - 11.08.2024 :

ಜೈತುಲುನಾಡ್ | (ರಿ.) ಸಂಘಟನೆ ತನ್ನ 10ನೇ ವರ್ಷದ ಸಂಭ್ರಮಾಚರಣೆಕುತ್ತಾರ್ ದ ಬಾಲ ಸಂರಕ್ಷಣ ಕೇಂದ್ರಡ್ ನಡತ್ಂಡ್. ಬಾಲ ಸಂರಕ್ಷಣಾ ಕೇಂದ್ರದ ಜೋಕುಲೆಗ್ ಬೇತೆ ಬೇತೆ ಗೊಬ್ಬುದ ಪಂತೊಲೆನ್ ಆಯೋಜನೆ ಮಲ್ತ್‌ದಿತ್ತೆರ್. ಅಂಚೆನೆ ಭಾಷಣ ಸ್ಪರ್ಧೆ ಮಲ್ತ್ ದ್ ಗೆಂದಿನಕ್ಷೆಗೆ ಇನಾಮು ಪಟ್ಟಿಯೆರ್. 10ನೇ ವರ್ಷದ ಸಂಭ್ರಮಾಚರಣೆದ ಹಿನ್ನೆಲೆಡ್ ಜೈ ತುಲುನಾಡ್ (ರಿ.) ಸಂಘಟನೆ ಜೋಕುಲೆಗ್ ರಾತ್ರೆದ ವನಸ್ ದವ್ಯವಸ್ಥೆ ಮಲ್ತಿತ್ತೆರ್.

ಮುಕ್ಕ - ಬಲೆ ತುಲು ಲಿಪಿಟ್ ಪುದರ್ ಬರೆಕ‌ - 06.10.2೦24:

ಸುರತ್ಕಲ್ : ಶ್ರೀ ಸತ್ಯ ಧರ್ಮ ದೇವಿ ದೇಲಂತಡೆ ಮುಕ್ಕ ಬೊಕ್ಕ  ಜೈ ತುಲುನಾಡ್ (ರಿ.) ಕುಡ್ಲ ಎಗ್ಗೆದ ಮುತಾಲಿಕೆಡ್ "ಬಲೆ ತುಲು ಲಿಪಿಟ್ ಪುದರ್ ಬರೆಕ" ಅಭಿಯಾನ ಮುಕ್ಕದ ಶ್ರೀ ಸತ್ಯ ಧರ್ಮ ದೇವಿ ದೇಲಂತಡೆಟ್ ಅಕ್ಟೋಬರ್ 10, ಐತಾರೊದಾನಿ ಮದ್ಯಾನ 12 ಗಂಟೆಗ್ ನಡತ್ಂಡ್.

Click here to read..

ತ್ರಿಶಾ ವಿದ್ಯಾ ಕಾಲೇಜ್ ಕಟಪಾಡಿ - ಬಲೆ ತುಲು ಲಿಪಿ ಕಲ್ಪುಗ - 05.10.2024

ಕಾಲೇಜಿಡ್ ಅ.5 ಶನಿವಾರದಾನಿ "ಬಲೆ ತುಲು ಲಿಪಿ ಕಲ್ಪುಗ" ಕಜ್ಜಕೊಟ್ಟ ನಡತ್ಂಡ್. ತ್ರಿಶಾ ವಿದ್ಯಾ ಕಾಲೇಜ್‌ದ ಪ್ರಾಂಶುಪಾಲೆರ್ ಪ್ರೊ. ನಾರಾಯಣ್ ರಾವ್ ಲೇಸ್ ಉದಿಪನ ಮಲೆರ್. ಮಲ್ಲ ಬಿನ್ನೆರಾದ್ ನಾಟಕ ರಚನೆಕಾರೆ ನಟೆ ನಿರ್ದೇಶಕೆ ರವಿಕುಮಾ‌ರ್ ಕಡೆಕಾರ್, ಜೈ ತುಲುನಾಡ್ (ರಿ.) ಕೂಟದ ಗುರ್ಕಾರ್ಲು ಉದಯ ಪೂಂಜ ಒತ್ತುಪಾಲಿತ್ತೆರ್.ಲೇಸ್‌ದ ಗುರ್ಕಾರ್ಮೆನ್ ತ್ರಿಶಾ ವಿದ್ಯಾ ಸಂಧ್ಯಾ ಕಾಲೇಜ್‌ ಪ್ರಾಂಶುಪಾಲೆರ್ ವಿಶ್ವೇಶ್ ಶೆಣೈ ಒಯಿಸ್ ದಿತ್ತೆರ್.

Click here to read more...

ತುಲು ಲಿಪಿ ಬ್ರಹ್ಮೆ ಡಾ| ಪುಂಡೂರು ವೆಂಕಟರಾಜ ಪುಣಿಂಚತ್ತಾಯರೆನ ಪುಟ್ಟುಪರ್ಬೋ ವಿಶ್ವ ತುಳು ಲಿಪಿ ದಿನ  - 10.10.2024

ಜೈ ಕಳತ್ತೂರು ಇಚ್ಲಂಪಾಡಿ ಹಿರಿಯ ಬುನಾದಿ ಶಾಲೆದ ನಿಲೆಟ್ಟ್ ಜೈ ತುಲುನಾಡ್ (ರಿ ) ಕಾಸ್ರೋಡು ಎಗ್ಗೆ ಬೊಕ ಕೇರಳ ತುಳು ಅಕಾಡೆಮಿದ ಒತ್ತು ಸೇರಿಗೆಡ್ ತುಲು ಲಿಪಿ ಬ್ರಹ್ಮೆ ಡಾ| ಪುಂಡೂರು ವೆಂಕಟರಾಜ ಪುಣಿಂಚತ್ತಾಯರೆನ ಪುಟ್ಟುಪರ್ಬೋದ ಸ್ಮರಣಾರ್ಥವಾದ್ ಆಚಿರಿಪುನ ವಿಶ್ವ ತುಳು ಲಿಪಿ ದಿನ ಅಂಗವಾದ್" ಪುವೆಂಪು ನೆಂಪು" ಲೇಸ್ ಬೊಕ್ಕ ಬಲೆ ತುಲು ಲಿಪಿ ಕಲ್ಪುಗ ಕಜ್ಜ ಕೊಟ್ಯದ ಉದಿಪನ ಇಚ್ಲಂಪಾಡಿ ಹಿರಿಯ ಬುನಾದಿ ಶಾಲೆ ಕಳತ್ತೂರು ಕುಂಬಳೆಡ್ 10-10-2024 ಗುರ್ವಾರೊ ಮಧ್ಯಾಹ್ನ ಪಿಜಿರ್ದ್ 2 ಗಂಟೆಗ್ ನಡತ್ಂಡ್

ಲೇಸ್‌ರ ಗುರ್ಕಾರ್ಮೆಡ್ ಶ್ರೀಮತಿ ಕುಶಲಾಕ್ಷಿ ವಿ ಕುಲಾಲ್ ಕಣ್ವತೀರ್ಥ ಗುರ್ಕಾರ್ಲು ಜೈ ತುಲುನಾಡ್ (ರಿ ) ಕಾಸ್ರೋಡು ಎಗ್ಗೆ ಇತ್ತೆರ್ ,ಶ್ರೀ ಜಯಾನಂದ ಗುರ್ಕಾರ್ಲು ಕೇರಳ ತುಲು ಅಕಾಡೆಮಿ ಲೇಸ್ ಉದಿಪನ ಮಂತ್‌ದ್ ತುಲು ಭಾಷೆ ಪ್ರದೇಶಿಕ ಭಾಷೆ ಆವೊಡು ಅಯಿಕ್ ಎಣ್ಮನೇ ಪರಿಚ್ಛೇದಡ್ ತಾನಮಾನ ತಿಕ್ಕೊಡು,ತುಲು ಭಾಷೆ ಸಂಸ್ಕೃತಿ ಒರಿತೊನುನ ನಮ್ಮ ಜವಾಬ್ದಾರಿ ಆದುಂಡು ಪಂಡೆರ್.ಈ ನಿಲೆಟ್ ಜೈ ತುಲುನಾಡ್ ಸಂಘಟನೆದ ಪೊರುಂಬಾಟೊಗು ಎಡ್ಡೆಪ್ಪು ಬಯಕಿಯೆರ್.

Click here to read more..

ಬಲೆ ತುಲು ಲಿಪಿಟ್ ಪುದರ್ ಬರೆಕ - ಕಟೀಲ್ - 10.10.2024

ಮುಲ್ಕಿ: ಜೈ ತುಲುನಾಡ್ (ರಿ.) ಕೂಟದ ಮುತಾಲಿಕೆಡ್ "ಬಲೆ ತುಲು ಲಿಪಿಟ್ ಪುದರ್ ಬರೆಕ" ಅಭಿಯಾನ ಕಟೀಲ್‌ದ ಶ್ರೀ ದುರ್ಗಾ ಪರಮೇಶ್ವರಿ ದೇಲಂತಡೆಟ್ ಅಕ್ಟೋಬರ್ 10, ಗುರುವಾರೊದಾನಿ ಕಾಂಡೆ 10:30 ಗಂಟೆಗ್ ನಡತ್ತ್ಂಡ್.

Click here to read more..

ಬಲೆ ತುಲು ಲಿಪಿಟ್ ಪುದರ್ ಬರೆಕ - ಕೇಪ್ಲಾಜೆ ಕಾಂತಾವರ - 10.10.2024:

ಕಾಂತಾವರ: ಜೈ ತುಲುನಾಡ್ (ರಿ.) ಕೂಟದ ಮುತಾಲಿಕೆಡ್ "ಬಲೆ ತುಲು ಲಿಪಿಟ್ ಪುದರ್ ಬರೆಕ" ಅಭಿಯಾನ ಶ್ರೀ ಮಹಾಮ್ಮಾಯಿ ದೇವಿಗುಡಿ, ಕೇಪ್ಲಾಜೆಡ್ ಅಕ್ಟೋಬರ್ 10, ಗುರುವಾರೊದಾನಿ ಬಯ್ಯ 7 ಗಂಟೆಗ್ ನಡತ್ತ್ಂಡ್.

Click here to read more..

ತುಲು ಲಿಪಿ ಪೊಲಬು - ಕೆಯ್ಯೂರು, ಪುತ್ತೂರು‌- 10.10.2024

ವಿಶ್ವ ತುಲು ಲಿಪಿ ದಿನೊತ ಅಂಗವಾದ್ "ತುಲು ಲಿಪಿ ಪೊಲಬು" ಲೇಸ್ ಜೈ ತುಲುನಾಡ್ (ರಿ) ಕೂಟದ ಮುತಾಲಿಕೆಡ್ ಪುತ್ತೂರು ತಾಲೂಕು ಕೆಯ್ಯೂರು ಗ್ರಾಮದ ಅಂಗನವಾಡಿ ಕೇಂದ್ರ ತೆಗ್ಗುಡು 10 ಅಕ್ಟೋಬರ್ 2024 ಗುರುವಾರದಾನಿ ಮದ್ಯಾನ 2 ಗಂಟೆಗ್ ನಡತ್ತ್ಂಡ್. ಲೇಸ್‌ಡ್ ಅಂಗನವಾಡಿ ಕಾರ್ಯಕರ್ತೆ ಶ್ರೀಮತಿ ಮೋಹಿನಿ ಎರಕ್ಕಳ, ಸಹಾಯಕಿ ಶ್ರೀಮತಿ ಭವಾನಿ, ಅಶೋಕ ಪೂಜಾರಿ ಕೋಡಂಬು, ಶ್ರೀಮತಿ ಚೇತನಾ, ಕಿಶೋರ್ ಕುಮಾರ್.ಟಿ, ಜೈ ತುಲುನಾಡ್(ರಿ) ಕೂಟದ ಕೇಂದ್ರ ಸಮಿತಿದ ಒತ್ತು ಸಂಘಟನಾ ಕಾರ್ಯಂತೆರ್ ಆಯಿನ ಚಿತ್ರಾಕ್ಷಿ ಮುಗೇರ ತೆಗ್ಗು, ಪದುಕೆರ್ ಆಯಿನ ರಕ್ಷಿತ್ ರಾಜ್ ಕಲ್ಲಾಪು ಒತ್ತುಪಾಲಿತ್ತೆರ್.

ಬಲೆ ತುಲು ಲಿಪಿಟ್ ಪುದರ್ ಬರೆಕ - ಬೈಲೂರು - 10.10.2024

ಜೈ ತುಲುನಾಡ್(ರಿ.) ಕೂಟದ ಮುತಾಲಿಕೆಡ್ ವಿಶ್ವ ತುಲು ಲಿಪಿ ದಿನತ ಅಂಗವಾದ್ "ಬಲೆ ತುಲು ಲಿಪಿಟ್ ಬರೆಕ" ಪನ್ಪಿನ ಕಜ್ಜಕೊಟ್ಯ ಅಕ್ಟೊಬರ್ 10ನೇ ಗುರುವಾರದಾನಿ ಬೈಲೂರು ಶ್ರೀ ಮಹಿಷಮರ್ದಿನಿ ದೇವಲ್ಯೋಡು ನಡತ್ಂಡ್. 

Click here to read..

ತುಲು ಲಿಪಿ ಪುದರ್‌ಪಲವೆ ಬಿನ್ನಾಪು - ಮಧೂರು - 13.10.2024:

ಜೈ ತುಲುನಾಡ್ (ರಿ.) ಕಾಸ್ರೋಡ್ ಎಗ್ಗೆ ಇನಿ ತಾರೀಕ್ 13.10.2024 ಐತಾರ, ಕುಂಬ್ಳೆ ಸೀಮೆದ ನಾಲ್ ಪ್ರಧಾನ ದೇವಲ್ಯಲೆಡ್ ಒಂಜಾಯಿನ ಮಧೂರು ದೇವಲ್ಯಡ್ - ತುಲು ಲಿಪಿ ಪುದರ್ ಪಲವೆ ಪಾಡ್ಯರೆಗ್ ಬಿನ್ನಾಪು ಮಲ್ತಿನ ಪೊರ್ತು.

Click here to read more..

ವಂಜಾರಕಟ್ಟೆ ಆಂಗ್ಲ ಮಾಧ್ಯಮ ಶಾಲೆ - ಬಲೆ ತುಲು ಲಿಪಿ ಕಲ್ಪುಗ - 19.10.2024

ಬೆಳ್ಮಣ್ಣ್, ಆಕ್ಟೋಬರ್ 19: ವಂಜಾರಕಟ್ಟೆ ಆಂಗ್ಲ ಮಾಧ್ಯಮ ಶಾಲೆ, ವಂಡಾರಕಟ್ಟೆ ಬೋಳ ಕಾರ್ಲ ಮೊಕಲ್ನ ಮುತಾಲಿಕೆಡ್ ಜೈ ತುಲುನಾಡ್ (ರಿ.) ಕೂಟದ ಒಟ್ಟು ಸೇರಿಗೆಡ್ ತೇದಿ 19.10.2024 ಸನಿಯಾರದಾನಿ "ಬಲೆ ತುಲು ಲಿಪಿ ಕಲ್ಪುಗ" ಕಜ್ಜಕೊಟ್ಯದ ಉದಿಪನ ಲೇಸ್ ನಡತ್ಂಡ್.

Click here to read more..

ಜೈ ತುಲುನಾಡ್ (ರಿ.) ಒಡಿಪು ವಲಯರ್ದ್

ಕೊಡವೂರು ದೇವಸ್ಥಾನ ಜಾತ್ರೆದಪಗ ಜೈ ತುಲುನಾಡ್ (ರಿ.) ಕುಡ್ಲ ಎಗ್ಗೆರ್ದ್ ಸಂಘನಿಕೇತನ ಮಣ್ಣಗುಡ್ಡೆ ಎಸ್‌ಡಿ‌ಪಿ‌ಟಿ ಕಾಲೇಜ್ ಕಟೀಲ್ 04.02.2023 ಕ್ ಐಕಳ ಕಂಬುಲೊಡು, 18.02.2023 ಬೊಕ್ಕ 19.02.2023ಕ್ ಟಿಎಂ‌ಎ ಪೈ ಹಾಲ್‌ಡ್ ನಡತಿನ ಮಂಗಳೂರು ಲಿಟ್ ಫೆಸ್ಟ್‌ಡ್ ಜೈ ತುಲುನಾಡ್ (ರಿ.) ಬೆಂಗಳೂರು ಎಗ್ಗೆರ್ದ್ ಅಸ್ಟೆಮಿದ ಐಸಿರ ಲೇಸ್‌ಡ್ ಬಲೆ ತುಲು ಲಿಪಿಟ್ ಬರೆಕ ಅಭಿಯಾನ ನಡತ್ಂಡ್.

ನಡತ್ತಿನ ಲೇಸ್:

2024-2025

2022-2023

2021-2022

ಪೊರ್ಲು ತುಲುನಾಡ್ ಗೋಡೆ ಬರವು ಅಭಿಯಾನ - ಬಲ್ಮಠ ಕುಡ್ಲ - 05.12.2೦21 ಕುಡ್ಲ ಪೇಂಟೆದ ಜ್ಯೋತಿ ಬಲ್ಮಠಡ್ ಉಪ್ಪುನ ಸರಕಾರಿ ಮಹಿಳಾ ಕಾಲೇಜ್ದ ಕೈತಲ್ ತುಲು ಬಾಸ, ಸಂಸ್ಕೃತಿ, ಆಚಾರ ವಿಚಾರ, ಲಿಪಿಕ್ ಸಂಬಂದ ಪಟ್ಟಿನ ವಿಚಾರೊನು ತೆರಿಪಾವುನ ಉದ್ದೇಶ ದೀವೊಂದು "ಪೊರ್ಲು ತುಲುನಾಡ್" ಪನ್ಪಿನ ಗೋಡೆ ಬರವು ಅಭಿಯಾನೊ ಮಲ್ದ್ಂಡ್.

ತುಲು ಪುರ್ಪ - 21.08.2022 : ತನ್ನಾಲ್ಮೆದ ಅಮುರ್ತೋಚ್ಚಯೊದ ಲೆಕ್ಕೊಡು ಜೈ ತುಲುನಾಡ್(ರಿ.) ಕೂಟ 'ತುಲುಪುರ್ಪ ಪನ್ಪಿ ಕಬಿತೆಲೆನ ಮಸ್ತಿರೆನ್ 21/08/2022ನೇ ಐತಾರೊದಾನಿ ಬುಡುಗಡೆ ಮಲ್ದ್ಂಡ್. ತುಲುನಾಡ್‌ದ ಪುಗರ್ತೆದ ಕಬಿಕ್ಲೆನ 111 ಕಬಿತೆಲೆನ್ ತುಲು ಬರವುಡೇ ಅಚ್ಚಿ ಮಲ್ತಿನ ಈ ಮಸ್ತಿರೆನ್ ಪೆರಿಯ ಪತ್ರಕರ್ತೆರ್ ಬೊಕ್ಕ ಸಾಹಿತಿಲಾಯಿನ ಶ್ರೀ ಚಿದಂಬರ ಬೈಕಂಪಾಡಿ ಕೆನರಾ ಕಾಲೇಜ್‌ ಸೆಮಿನಾರ್ ಹಾಲ್‌ಡ್ ಬುಡುಗಡೆ ಮಲ್ದೆರ್.

Click here to read more..

ಬಲೆ ದೈ ನಡ್ಕ - ಬಜಪೆ 16.06.2024:

ಕುಡ್ಲ: ಜೈ ತುಲುನಾಡ್ (ರಿ.) ಕುಡ್ಲ ಎಗ್ಗೆ ಬೊಕ್ಕ ಯುವವಾಹಿನಿ ಬಜಪೆ ಘಟಕದ ಒಟ್ಟುಸೇರಿಗೆಡ್ ಬಜಪೆ ಪ್ರಾಥಮಿಕ ಆರೋಗ್ಯ ಕೇಂದ್ರ ಅಂಚೆನೆ ಶ್ರೀ ಕ್ಷೇತ್ರ ದೊಡ್ಡಕಟ್ಟ ಸ್ವಯಂಭೂಲಿಂಗೇಶ್ವರ ದೇವಸ್ಥಾನಡ್ 'ಬಲೆ ದೈ ನಡ್ಕ' ಕಾರ್ಯಕ್ರಮ ಜೂನ್ 16 ತಾರೀಕ್‌ಗ್ ನಡತ್ಂಡ್.

ಮುಲ್ಪ ಒತ್ತುಲೆ, Click here to read more..

10ನೇ ವರ್ಸೊಚ್ಚಯ - 10.08.2024: ಜೈ ತುಲುನಾಡ್ (ರಿ.) ಕೂಟೊಗು 10 ಆಗಸ್ಟ್ 2024ಕ್ 10 ವರ್ಸೊಲು ಆಯಿಲೆಕ್ಕೊಡು ಆನ್‌ಲೈನ್‌ಡ್ 10ನೇ ವರ್ಸೊಚ್ಚಯದ ಲೇಸ್ ನಡತ್ತ್ಂಡ್. ಈ ಲೇಸ್‌‌ಡ್ ಯುವ ಉದ್ಯಮಿ ಸೂರಜ್, ತುಳು ಚಿಂತಕೆರ್ ಬೊಕ್ಕ ಉಪನ್ಯಾಸಕೆರಾಯಿನ ಅಕ್ಷತಾ ಶೆಟ್ಟಿ ಎಡ್ಮೆಮ್ಮಾರ್, ಕೂಟದ ಗುರ್ಕಾರ್ಲು ಉದಯ್ ಪೂಂಜ, ಮಾಜಿ ಗುರ್ಕಾರ್ಲು ಆಯಿನ ಅಶ್ವತ್ ತುಲುವೆ, ಸುದರ್ಶನ್ ಸುರತ್ಕಲ್ ಬೊಕ್ಕ ವಿಶು ಶ್ರೀಕೇರ ಪಾಲ್ ಪಡೆದಿತ್ತೆರ್.

ಕಬಿತೆದ ಸಾಲ್ ಪಟ್ಟ್‌ಗ ಮೂಲ್ - 18.08.2024:

ಜೈ ತುಲುನಾಡ್ (ರಿ.) ಕೂಟದ ಮುತಾಲಿಕೆಡ್ "ಕಬಿತೆದ ಸಾಲ್, ಪಟ್ಟ್‌ಗ ಮೂಲ್" ಪನ್ಪಿನ ಕಬಿಗೋಷ್ಟಿ ಗೂಗಲ್ ಮೀಟ್‌ಡ್ 18.08.2024 ತೇದಿಗ್ ನಡತ್ತ್ಂಡ್. ಕಬಿಗೋಷ್ಟಿದ ಗುರ್ಕಾರ್ಮೆ ಶ್ರೀಮತಿ ಕುಶಲಾಕ್ಷಿ ಕಣ್ವತೀರ್ಥ, ಮಲ್ಲ ಬಿನ್ನೆರ್ ಶ್ರೀ ಉಮೇಶ್ ಆತಾರ್ಯ, ಕೂಟದ ಗುರ್ಕಾರ್ಲು ಉದಯ್ ಪೂಂಜೆರೆನ ಒತ್ತುಪಾಲ್‌ಡ್ ಈ ಲೇಸ್ ನಡತ್ತ್ಂಡ್. ಕಬಿಗೋಷ್ಟಿಡ್ ಕಬಿಕುಲಾಯಿನ ಗೀತಾ ಲಕ್ಷ್ಮೀಶ್, ಹರ್ಷಾ ಬೇಲಾಡಿ, ದಿವ್ಯ ಅಂಚನ್, ಚಿತ್ರಾಕ್ಷಿ ತೆಗ್ಗು, ಶ್ವೇತಾ ಡಿ ಬಡಗಬೆಳ್ಳೂರು, ನಿಶ್ಮಿತಾ ಪಳ್ಳಿ, ಉಮೇಶ್ ಶಿರಿಯ, ಪದ್ಮನಾಭ ಪೂಜಾರಿ ನೇರಂಬೋಳು, ನವೀನ್ ಕುಮಾರ್ ಪೆರಾರ, ನಳಿನಿ ಬೆಂಗಳೂರು.

ತುಲು ಲಿಪಿ ಪೊಲಬು - ಬಜಪೆ - 22.09.2024:

ಜೈ ತುಲುನಾಡ್ (ರಿ.) ಕುಡ್ಲ ಎಗ್ಗೆ ಬೊಕ್ಕ ಯುವ ವಾಹಿನಿ (ರಿ.) ಬಜಪೆ ಎಗ್ಗೆದ ಮುತಾಲಿಕೆಡ್ ಬಜಪೆದ ಬ್ರಹ್ಮಶ್ರೀ ನಾರಾಯಣ ಗುರು ಸಭಾಭವನೊಡು ತುಲು ಲಿಪಿ ಪೊಲಬು ಪನ್ಪಿನ ಲೇಸ್ ನಡತ್ತ್ಂಡ್. ಈ ಲೇಸ್‌ನ್ ತುಲು ಲಿಪಿ ಕಲ್ಪಾದಿಲು ಆಯಿನ ಕಿರಣ್ ತುಲುವೆ ಬೊಕ್ಕ ಚಿರಶ್ರೀ ದೇರಳಕಟ್ಟೆ ನಡಪಾದ್ ಕೊರಿಯೆರ್.

Click here to read more..

ತುಲು ಲಿಪಿ ಕಮ್ಮೆನೊ 02.10.2024: ಡಾ.ವೆಂಕಟರಾಜ ಪುಣಿಂಚಿತ್ತಾಯೆರೆನ ಸ್ಮರಣಾರ್ಥ ಆರ್ನ ಪುಟ್ಟುದಿನ ದಿನ ಅಕ್ಟೋಬರ್ 10 ತಾರೀಕ್‌ನ್ ವಿಶ್ವ ತುಲು ಲಿಪಿ ದಿನೊ ಆದ್ ಆಚರಣೆ ಮಲ್ಪುವೆರ್. ಅಂತಾದ್ ಈ ವಿಶ್ವ ತುಲು ಲಿಪಿ ದಿನೊತ ಅಂಗವಾದ್ ತುಲು ಲಿಪಿ ಕಲ್ದಿನ ತುಲುವೆರ್ ತುಲು ಲಿಪಿನ್ ಪಸರಾವೊಡು ಪನ್ಪಿನ ಉದ್ದೇಶೊನು ದೀವೊಂದು "ತುಲು ಲಿಪಿ ಕಮ್ಮೆನ" ಪನ್ಪಿನ ಒಂಜಿ ಆನ್‌ಲೈನ್ ಪಂತೊನು ನಡಪದ್ಂಡ್.

Click here to read..

ಬೊಮ್ಮನೊ/ಮಾನಾದಿಗೆ: 1. ಜೈ ತುಲುನಾಡ್ (ರಿ) ಕೂಟೊಗು 2021 ನೇ ಸಾಲ್‌ದ ಕರ್ನಾಟ ತುಳು ಸಾಹಿತ್ಯ ಅಕಾಡೆಮಿದ "ವಿಶೇಷ ಸಂಗಟನಾ ಪುರಸ್ಕಾರ" ಪಡೆತ್ಂಡ್.

2. ಜೈ ತುಲುನಾಡ್ (ರಿ) ಸಂಗಟನೆ 2022 ನೇ ಸಾಲ್ದ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ "ವಿಶೇಷ ಸಾದನಾ ಪ್ರಶಸ್ತಿ" ಪಡೆತ್ಂಡ್.

Click here to read news:

ಕೂಟದ ಎಗ್ಗೆಲು:

▪️ಜೈ ತುಲುನಾಡ್ (ರಿ.) ಕುಡ್ಲ ಎಗ್ಗೆ: 23 ಫೆಬ್ರವರಿ 2020ಗ್ ಕುಡ್ಲದ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಮಣ್ಣಗುಡ್ಡೆಡ್ ಕುಡ್ಲ ದಕ್ಷಿಣ ವಿಧಾನಸಭಾ ಕ್ಷೇತ್ರದ ಶಾಸಕೆರಾಯಿನ ವೇದವ್ಯಾಸ್ ಕಾಮತ್ ಮೇರ್ ಜೈ ತುಲುನಾಡ್ (ರಿ.) ಕುಡ್ಲ ಎಗ್ಗೆದ ಉದಿಪನ ಮಲ್ತೆರ್. ▪️ಜೈ ತುಲುನಾಡ್ (ರಿ.) ಕುಡ್ಲ ಎಗ್ಗೆದ ಕಾರ್ಯಕಾರಿ ಸಮಿತಿದ ಮಾಹಿತಿಗಾದ್.. ಮುಲ್ಪ ಒತ್ತುಲೆ, Click here

ಜೈ ತುಲುನಾಡ್ (ರಿ.) ಒಡಿಪು ಎಗ್ಗೆ:

ಬನ್ನಂಜೆ ನಾರಾಯಣ ಗುರು ಮಂದಿರದ ಸಭಾಭವನೊಡ್ ಸಿರಿ ತುಳುವ ಚಾವಡಿ ಒಡಿಪುದ ಗುರ್ಕಾರೆರಾಯಿನ ಡಾ. ಗಣನಾಥ ಎಕ್ಕಾರ್ ಜೈ ತುಲುನಾಡ್ (ರಿ.) ಒಡಿಪು ಎಗ್ಗೆನ್ ಉದಿಪನ ಮಲ್ತೆರ್.

ಜಾಸ್ತಿ ಮಾಹಿತಿಗಾದ್: Click here..

ಸ್ಥಾಪಕ ಸಮಿತಿ ಸದಸ್ಯೆರ್

1.ಕಿರಣ್ ತುಲುವೆ

2. ಪ್ರಶಾಂತ್ ಸಾಲ್ಯಾನ್

3.ಅಶ್ವತ್ ತುಲುವೆ

4.ಉದಯ್ ಪೂಂಜ

5.ರಕ್ಷಿತ್ ಕೋಟ್ಯಾನ್

6.ಸದಾಶಿವ ಮುದ್ರಾಡಿ

7.ಯತೀಶ್ ಮುಂಡೋಡಿ

8.ಸುಮಂತ್ ಪೂಜಾರಿ

9.ಶರತ್ ಕೊಡವೂರು

10.ಅವಿನಾಶ್ ಮುಕ್ಕ

ಜೈ ತುಲುನಾಡ್ (ರಿ.) ಸ್ಥಾಪನೆದ ಪಿರವುದ ಕಥೆ ದಾದ?

Click Here To Read Story

ಸೊಲ್ಮೆಲು.