Vanjarakatte, Bola - Bale Tulu Lipi Kalpuga - 19.10.2024
ವಂಜಾರಕಟ್ಟೆ ಆಂಗ್ಲ ಮಾಧ್ಯಮ ಶಾಲೆ - ಬಲೆ ತುಲು ಲಿಪಿ ಕಲ್ಪುಗ - 19.10.2024
ಬೆಳ್ಮಣ್ಣ್, ಆಕ್ಟೋಬರ್ 19: ವಂಜಾರಕಟ್ಟೆ ಆಂಗ್ಲ ಮಾಧ್ಯಮ ಶಾಲೆ, ವಂಡಾರಕಟ್ಟೆ ಬೋಳ ಕಾರ್ಲ ಮೊಕಲ್ನ ಮುತಾಲಿಕೆಡ್ ಜೈ ತುಲುನಾಡ್ (ರಿ.) ಕೂಟದ ಒಟ್ಟು ಸೇರಿಗೆಡ್ ತೇದಿ 19.10.2024 ಸನಿಯಾರದಾನಿ "ಬಲೆ ತುಲು ಲಿಪಿ ಕಲ್ಪುಗ" ಕಜ್ಜಕೊಟ್ಯದ ಉದಿಪನ ಲೇಸ್ ನಡತ್ಂಡ್.
ಶಾಂತಿನಿಕೇತನ ಚಾರಿಟೇಬಲ್ ಫೈಂಡೇಶನ್ ಟ್ರಸ್ಟ್‌ದ ಗುರ್ಕಾರ್ಲು ಬೊಕ್ಕ ವಂಜಾರಕಟ್ಟೆ ಆಂಗ್ಲ ಮಾಧ್ಯಮ ಶಾಲೆದ ವ್ಯವಸ್ಥಾಪಕೆರಾಯಿನ ಶ್ರೀ ಅಶೋಕ್ ಅಡ್ಯಾಂತಾಯೆರ್ ಲೇಸ್‌ದ ಉದಿಪನ ಮಲ್ತ್ "ತುಳು ಲಿಪಿ ರಾಜಾಶ್ರಯ ದಾಂತೆನ ದಾದನ ಮದೆಕ್ ಪೋಂಡು, ಅವೆನ್ ಕುಡೊರ ಗಲಕೆಗ್ ಕನಪಿನ ಪುನೆಪು ಆವೊಡಾಯಿನವು" ಪಂದ್ ಪಂಡೆರ್.
ವಂಜಾರಕಟ್ಟೆ ಆಂಗ್ಲ ಮಾಧ್ಯಮ ಶಾಲೆದ ಸಂಚಾಲಕೆರ್ ಆಯಿನ ಶ್ರೀ ಅಕ್ಷಯ್ ಅಡ್ಯಂತಾಯೆರ್ ಲೇಸ್‌ದ ಗುರ್ಕಾರ್ಮೆ ವೈಸೊಂದು "ಜೋಕುಲು ಇಂಗ್ಲೀಷ್‌ನ್ ದುಂಬುಗುಲಾ ಕಲ್ಪುವೆರ್, ಆಂಡ ಜೋಕುಲೆಗ್ ಇತ್ತೆ ತುಲು ಕಲ್ಪಾಯಿಜಿಡ ದುಂಬಗ್ ಅಕುಲು ಕಲ್ಪುಜೆರ್, ಎಂಕ್ಲೆನವು ಆಂಗ್ಲ ಮಾಧ್ಯಮ ಶಾಲೆ ಆಂಡಲಾ ಮುಲ್ಪ ತುಲು ಬಾಸೆಗ್ ಸುರುತ್ತ ಆದ್ಯತೆನ್ ಕೊರ್ಪ" ಪಂದ್ ಪಂಡೆರ್.
ಲೇಸ್‌ದ ಮಲ್ಲ ಬಿನ್ನೆರ್ ಆದ್ ವಂಜಾರಕಟ್ಟೆ ಆಂಗ್ಲ ಮಾಧ್ಯಮ ಶಾಲೆದ ಗೌರವ ಸಲಹೆಗಾರೆರ್ ಜಗದೀಶ್ ಆಚಾರ್ ಪಾತೆರ್ದ್ " ತುಲು ಲಿಪಿತ ಒಟ್ಟುಗು ಸಂಸ್ಕೃತಿನ್‌ಲಾ ಇತ್ತೆದ ಜೋಕುಲೆಗ್ ಕಲ್ಪುನ ಒಂಜಿ ಬೇಲೆ ಆವೊಡು ಪಂಡೆರ್. ಜೈ ತುಲುನಾಡ್ (ರಿ.) ಕೂಟದ ಗುರ್ಕಾರ್ಲು ಉದಯ್ ಉದಯ್ ಪೂಂಜ ತಾರಿಪಾಡಿಗುತ್ತು ಜೈ ತುಲುನಾಡ್ (ರಿ.) ಕೂಟದ ತಾಪಕ ಸಮಿತಿದ ಪದುಕೆರಾಯಿನ ಕಿರಣ್ ತುಲುವೆ, ಜೈ ತುಲುನಾಡ್ (ರಿ.) ಕೂಟದ ಒತ್ತು ಪನವುದ ಪಾಲವೆರ್ ಆಯಿನ ನಿಶಿಲ್ ಶೆಟ್ಟಿ, ವಂಜಾರಕಟ್ಟೆ ಆಂಗ್ಲ ಮಾಧ್ಯಮ ಶಾಲೆದ ಮುಖ್ಯ ಶಿಕ್ಷಕಿ ಶ್ರೀಮತಿ ಜಯಶ್ರೀ ಪ್ರಕಾಶ್ ಪೂಜಾರಿ ಒತ್ತುಪಾಲಿತ್ತೆರ್.
ಜೈ ತುಲುನಾಡ್ (ರಿ.) ಕೂಟದ ಕೇಂದ್ರ ಕಾರ್ಯಕಾರಿ ಸಮಿತಿದ ಪದುಕೆರ್ ಆಯಿನ ಮಹೇಶ್ ಕುಲಾಲ್ ಬೇಲಾಡಿ ಪ್ರಸ್ತಾವನೆ ಮಲ್ತೆರ್, ವಂಜಾರಕಟ್ಟೆ ಆಂಗ್ಲ ಮಾಧ್ಯಮ ಶಾಲೆದ ಕಲ್ಪಾದಿ ಅಂಕಿತಾ ಲೇಸ್ ಸುದಾರಿಕೆ ಮಲ್ತೆರ್. ತುಲು ಲಿಪಿ ಕಲ್ಪಾದಿ ಆಯಿನ ದೀಪಕ್ ಶೆಟ್ಟಿ ಬೇಲಾಡಿ, ನಿವೃತ್ತ ಶಿಕ್ಷಕೆರ್ ಆಯಿನ ಸತೀಶ್ ಒತ್ತುಪಾಲಿತ್ತೆರ್, ಶಾಲೆದ ಶಿಕ್ಷಕೆರ್, ಜೋಕುಲು ಒತ್ತುಪಾಲಿತ್ತೆರ್.
NEWS:
PHOTOS:
Comments
Post a Comment