ಕಳತ್ತೂರು ಇಚ್ಲಂಪಾಡಿ - ವಿಶ್ವ ತುಲು ಲಿಪಿ ದಿನ

October 11, 2024

ತುಲು ಲಿಪಿ ಬ್ರಹ್ಮೆ ಡಾ| ಪುಂಡೂರು ವೆಂಕಟರಾಜ ಪುಣಿಂಚತ್ತಾಯರೆನ ಪುಟ್ಟುಪರ್ಬೋ ವಿಶ್ವ ತುಳು ಲಿಪಿ ದಿನ - 10.10.2024

ಕಳತ್ತೂರು ಇಚ್ಲಂಪಾಡಿ ಹಿರಿಯ ಬುನಾದಿ ಶಾಲೆದ ನಿಲೆಟ್ಟ್ ,ಜೈ ತುಲುನಾಡ್(ರಿ ) ಕಾಸ್ರೋಡು ಎಗ್ಗೆ ಬೊಕ ಕೇರಳ ತುಳು ಅಕಾಡೆಮಿದ ಒತ್ತು ಸೇರಿಗೆಡ್

ತುಲು ಲಿಪಿ ಬ್ರಹ್ಮೆ ಡಾ| ಪುಂಡೂರು ವೆಂಕಟರಾಜ ಪುಣಿಂಚತ್ತಾಯರೆನ ಪುಟ್ಟುಪರ್ಬೋ ವಿಶ್ವ ತುಳು ಲಿಪಿ ದಿನ

"ಪುವೆಂಪು ನೆಂಪು" ಲೇಸ್ ಬೊಕ್ಕ ಬಲೆ ತುಲು ಲಿಪಿ ಕಲ್ಪುಗ ಕಜ್ಜ ಕೊಟ್ಯದ ಉದಿಪನ ಇಚ್ಲಂಪಾಡಿ ಹಿರಿಯ ಬುನಾದಿ ಶಾಲೆ ಕಳತ್ತೂರು ಕುಂಬಳೆಡ್ 10-10-2024 ಗುರ್ವಾರೊ

ಮಧ್ಯಾಹ್ನ ಪಿಜಿರ್ದ್ 2 ಗಂಟೆಗ್ ನಡತ್ಂಡ್

ಲೇಸ್‌ದ ಗುರ್ಕಾರ್ಮೆಡ್ ಶ್ರೀಮತಿ ಕುಶಲಾಕ್ಷಿ ವಿ ಕುಲಾಲ್ ಕಣ್ವತೀರ್ಥ ಗುರ್ಕಾರ್ಲು ಜೈ ತುಲುನಾಡ್ (ರಿ ) ಕಾಸ್ರೋಡು ಎಗ್ಗೆ ಇತ್ತೆರ್ ,ಶ್ರೀ ಜಯಾನಂದ ಗುರ್ಕಾರ್ಲು ಕೇರಳ ತುಲು ಅಕಾಡೆಮಿ ಲೇಸ್ ಉದಿಪನ ಮಂತ್‌ದ್ ತುಲು ಭಾಷೆ ಪ್ರಾದೇಶಿಕ ಭಾಸೆ ಆವೊಡು ಅಯಿಕ್ ಎಣ್ಮನೇ ಪರಿಚ್ಛೇದಡ್ ತಾನಮಾನ ತಿಕ್ಕೊಡು,ತುಲು ಭಾಸೆ ಸಂಸ್ಕೃತಿ ಒರಿತೊನುನ ನಮ್ಮ ಜಬದಾರಿಗೆ ಆದುಂಡು ಪಂಡೆರ್.ಈ ನಿಲೆಟ್ ಜೈ ತುಲುನಾಡ್ ಸಂಘಟನೆದ ಪೊರುಂಬಾಟೊಗು ಎಡ್ಡೆಪ್ಪು ಬಯಕಿಯೆರ್

ಮಲ್ಲ ಬಿನ್ನೆರಾದ್ ಶ್ರೀ ಗಣೇಶ ರಾವ್ ಶಾಲಾ ವ್ಯವಸ್ಥಾಪಕೆರ್,ಶ್ರೀ ರಾಧಾಕೃಷ್ಣ ತುಂಗಾ ಮುಖ್ಯ ಕಲ್ಪಾದಿ ಇ.ಹಿ.ಬು.ಶಾಲೆ,ಶ್ರೀ ಹೆಚ್ ಶಿವರಾಮ ಭಟ್ ಗುರ್ಕಾರ್ಲು ಹಳೆ ವಿದ್ಯಾರ್ಥಿ ಸಂಘ ಇ.ಹಿ.ಬು.ಶಾಲೆ, ಶ್ರೀಮತಿ ಪುಷ್ಪಲತಾ ಪಿ ಶೆಟ್ಟಿ ಕಾಜೂರು ಪದುಕೆರ್ ಕುಂಬ್ಳೆ ಗ್ರಾಮ ಪಂಚಾಯತ್, ಶ್ರೀ ವಿಜಯರಾಜ್ ಪುಣಿಂಚತ್ತಾಯ ಸಾಹಿತಿ,ಪುವೆಂಪು ರೆನೊ ಮಗೆ, ಶ್ರೀ ವಸಂತ್ ಚೂರಿತಡ್ಕ .ಗುರ್ಕಾರ್ಲು,ರಕ್ಷಕ ಶಿಕ್ಷಕ ಸಂಘ, ಶ್ರೀಮತಿ ಸುಧಾ ಶೆಟ್ಟಿ ಗುರ್ಕಾರ್ಲು M P T A, ಸತ್ಯಮೂರ್ತಿ ಅರಳಿತ್ತಾಯ,ಕಲ್ಪಾದಿಲು ಶಾರದ ವಿದ್ಯಾಲಯ ಕುಡ್ಲ ಮುಕುಲು ಎಡ್ಡೆಪ್ಪು ಬಯಕಿಯೆರ್. ,ಶ್ರೀ ಹೆಚ್ ಶಿವರಾಮ ಭಟ್ ಗುರ್ಕಾರ್ಲು ಹಳೆ ವಿದ್ಯಾರ್ಥಿ ಸಂಘ ಇಂಬೆರ್ ಡಾ.ಪುಂಡೂರು ವೆಂಕಟರಾಜ ಪುಣಿಂಚತ್ತಾಯೆರೆನ ಬಗ್ಗೆ ಪಾತೆರ್ಯೆರ್.ಶ್ರೀಮತಿ. ವಿನೋದ ಪ್ರಸಾದ್ ರೈ ಕಾರಿಂಜ ಒತ್ತು ಗುರ್ಕಾರ್ಲು, ಜೈ ತುಳುನಾಡ್ (ರಿ ) ಕೇಂದ್ರ ಸಮಿತಿ, ತುಲು ಲಿಪಿ ಕಲ್ಪಾದಿ ತುಲು ಲಿಪಿ ಕಜ್ಜಕೊಟ್ಯ ಉದಿಪನ ಮಂತ್‌ದ್ ತುಲು ಲಿಪಿತ ಮಹತ್ಪದ ಬಗ್ಗೆ‌ ತೆರಿಪಾಯೆರ್.

ಶಾಲೆದ ಜೋಕುಲೆನ ಸುಗಿಪುದೊಟ್ಟಿಗೆ ಸುರುವಾಯಿನ ಲೇಸ್‌ನ್,ಶ್ರೀ ಹರಿಕಾಂತ ಕಾಸರಗೋಡು,ಕಾರ್ಯಂತೆರ್ ಜೈ ತುಲುನಾಡ್ ರಿ ಕಾಸ್ರೋಡು ಎಗ್ಗೆ ಎದ್ಕೊಂಡೆರ್,ಶಾಲೆದ ಕಲ್ಪಾದಿಲು ಪುವೆಂಪು ವಿರಚಿತ ಭಾವಗೀತೆಲೆನ್ ಪಂಡೆರ್.

ಶ್ರೀ ಶ್ರೀನಿವಾಸ ಆಳ್ವ ಕಳತ್ತೂರು ಪದುಕೆರ್ ಜೈ ತುಲುನಾಡ್ ಲೇಸ್ ಸುಧಾರಿಕೆ ಮಂತ್‌ದ್, ಶ್ರೀ ಸುಧಾಕರ .ಕಲ್ಪಾದಿಲು ಇ.ಬು.ಹಿ.ಶಾ.ಕಳತ್ತೂರು ಸೊಲ್ಮೆ ಸಂದಾಯೆರ್.ಶಾಲೆದ ಜೋಕುಲು ಬೊಕ ಕಲ್ಪಾದಿಲು,ಜೈ ತುಲುನಾಡ್ ಕಾಸ್ರೋಡು ಎಗ್ಗೆದ ಪದುಕೆರಾಯಿನ ಉಮೇಶ್ ಸಿರಿಯಾ ಸಹಕಾರ ಮಂತೆರ್,ಅಂಚೆನೆ ಪುವೆಂಪು ವಿರಚಿತ ಕವನ ವಾಚನ ನಡತ್ತ್ಂಡ್.ಶಾಲೆದ ಜೋಕುಲೆಗ್ ಶ್ರೀಮತಿ ವಿನೋದ್ ಪ್ರಸಾದ್ ರೈರೆನ ಪರವಾದ್ ಚೀಪೆ ಪಟ್ಟ್‌ಯೆರ್,ಎಗ್ಗೆದ ಒತ್ತು ಗುರ್ಕಾರ್ಲು ಶ್ರೀ ಪ್ರವೀಶ್ ಕುಲಾಲ್ ಮಾತೆರೆಗ್ಲಾ ತುಲು ಲಿಪಿ ಚಾರ್ಟ್ ಒದಗಾಯೆರ್.