World Tulu Script Day

 ವಿಶ್ವ ತುಳು ಲಿಪಿ ದಿನ

10th October 

ತುಲು ಲಿಪಿ ಗ್ರಂಥ ಲಿಪಿರ್ದ್ ಬುಲೆಚ್ಚಿಲ್ ಆಯಿನ ಒಂಜಿ ಪಿರಾಕ್‌ದ ಲಿಪಿ. ಇನಿ ಮುಟ್ಟ ತಿಕ್‌ ದಿನ ತುಲು ಲಿಪಿತ್ತ ಕಲ್ಲಬರವುಲೆಡ್ ಪಿರಾಕ್ದ ಪಂಡ ಕುಲಶೇಖರದ ಶ್ರೀ ವೀರನಾರಾಯಣ ದೇವಾಲ್ಯದ ಕಲ್ಲಬರವು. ಉಂದು ತುಲು ಲಿಪಿ ಬೊಕ್ಕ ಬಾಸೆಡ್ ಉಂಡು. 15ನೇ ಶತಮಾನೊಡು ಮಹಾಭಾರತೊ ಪನ್ನಿನ ಮಾಹಾಕಾವ್ಯೂ, ಬೊಕ್ಕ 17ನೇ ಶತಮಾನೊದ ಪೊರ್ತುಗ್ ಶ್ರೀ ಭಾಗವತೋ ಬೊಕ್ಕ ಕಾವೇರಿ ಪನ್ಸುನ ಮಹಾ ಕಾಲಾ ತುಲುಲಿಪಿಟ್ ಉಂಡು.

ತುಲುನಾಡ್‌ದ ಕಾಸೋಡು, ಕುಡ್ಲ, ಒಡಿಪುಡ್ ಪಿರಾಕ್‌ಡ್ ವ್ಯವಹಾರೊಲು, ಸಾಹಿತ್ಯ ಬರವುಲು ಮಾತ ತುಲುಲಿಪಿಟ್ಟೆ ಆವೊಂದಿತ್ತ್ಂಡ್. 17ನೇ ಶತಮಾನೊ ಮುಟ್ಟ ತುಲುಲಿಪಿತ್ತ ಸ್ವರ್ಣಯುಗ ಪಂಡ್‌ದ್ ಪನೊಲಿ.18ನೇ ಶತಮಾನೊರ್ದ್ ಬೊಕ್ಕ ಕನ್ನಡ ಲಿಪಿ ಗಲಸುನ ಸುರು ಆಯಿಬೊಕ್ಕ ತುಲುಲಿಪಿ ಮದೆ ಆಯರೆ ಸುರು ಆಂಡ್. ಇಂಚ ಕಾಲಘಟ್ರೊಡ್ ಮದೆ ಆಯಿನ ತುಲು ಲಿಪಿನ್ ಪಿರ ಒರ ಲೋಕೊರ್ಮೆ ತೋಜಾದ್ ಕೊರ್ನಾರ್ ಡಾ|| ವೆಂಕಟರಾಜ ಪುಣಿಂಚಿತ್ತಾಯೆರ್. 

1936, ಅಕ್ಟೋಬರ್ 10ನೇ ತೇದಿ ಕಾಸ್ರೋಡ್ ಬೆಳ್ಳೂರು ದ ಪುಂಡೂರು ಮನೆತನೊಡು ಪುಟ್ಟಿನಾ‌ರ್. ಪುಣಿಂಚಿತ್ತಾಯೆ‌ರ್ ಮಾಮಲ್ಲ ಕಲ್ಪಾದಿ, ವಿದ್ವಾಂಸೆರ್ ಲೇಖಕೆರ್, ಅಂಚೆನೇ ಸಂಶೋಧಕೆರ್ಲಾ ಆದಿತ್ತೆರ್. ಕೇರಳ ತುಳು ಅಕಾಡೆಮಿನ್ ಸ್ಥಾಪನೆ ಮಲ್ತಿನಾರ್.

ಭಾರೀ ಮಲ್ಲ ಭಾಷಾ ಶಾಸ್ತ್ರಜ್ಜೆರ್. ತುಲು ಬಾಸೆ ದ ಮಿತ್ತೆ ಅಪಾರ ಆಸಕ್ತಿ ಇತ್ತಿನಾರ್. ತುಲು ಬಾಸೆ, ಸಂಸ್ಕೃತಿ ದ ಉಳಿವು ಗಾದ್ ಶ್ರಮ ಪಟ್ಟಿನಾರ್. ಭಾರೀ ಮಲ್ಲ ಪುದರ್ ಪಡೆಯಿನ ಯಕ್ಷಗಾನ ಕಲಾವಿದೆರ್ಲಾ ಅಂದ್. ಆಯುರ್ವೇದ ನಾಟಿ ವೈದ್ಯಲಾ ತೆರಿದಿನಾರ್. ಸುಮಾರ್ 27 ರ್ದ್ ಜಾಸ್ತಿ ಕೃತಿಸ್ಸೆನ್, 15ನೆರ್ದ್ ಜಾಸ್ತಿ ಗ್ರಂಥೋಲೆನ್ ಬರೆತೆರ್.

ಶ್ರೀ ಭಾಗವತೋ, ಕಾವೇರಿ, ತುಳು ದೇವಿ ಮಹಾತ್ಮ, ತುಳು ಮಹಾಭಾರತ, ತುಳು ಕರ್ಣ ಪರ್ವ, ಇಂಚ ಸುಮಾರ್ ಮಹಾಕಾವೊಲೆನ್ ಆವಿಷ್ಕಾರ ಮಲ್ತ್ ದ್, ಅಯಿತ ಪ್ರಕಟನೆ ಕೆಲಸಲಾ ಮಲ್ಲೆ‌ರ್. ಅತ್ಯುತ್ತಮ ಪ್ರಾಧ್ಯಾಪಕ ರಾಷ್ಟ್ರೀಯ ಪ್ರಶಸ್ತಿ, ಸಂದೇಶ ಮಾಧ್ಯಮ ಪ್ರಶಸ್ತಿ, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ, ಬೇವಿಂಜೆ ಶ್ರೀಧರ ಕಕ್ಕಿಲ್ಲಾಯ ಪ್ರಶಸ್ತಿ, ಪರಶುರಾಮ ಪ್ರಶಸ್ತಿ, ಕರ್ನಾಟಕ ಶ್ರೀ ಪ್ರಶಸ್ತಿ, ಪೊಳಲಿ ಶೀನಪ್ಪ ಹೆಗ್ಗಡೆ ಪ್ರಶಸ್ತಿ, ಅನಂತ ಪ್ರಕಾಶ ಪ್ರಶಸ್ತಿ, ಪೇಜಾವರ ಶ್ರೀ ಪ್ರಶಸ್ತಿ, ಅತ್ಯುತ್ತಮ ಸಂಶೋಧನಾ ದ್ರಾವಿಡ ವಿ.ವಿ. ಕುಪ್ಪಂ ಪ್ರಶಸ್ತಿ, ಇಂಚ ಸುಮಾರ್ ಪ್ರಶಸ್ತಿ ದೊಟ್ಟುಗು ಮಂಗಳೂರು ವಿಶ್ವವಿದ್ಯಾಲಯ ಗೌರವ ಡಾಕ್ಟರೇಟ್ ಪ್ರಶಸ್ತಿ ಲಾ ತಿಕ್ ದ್ಂಡ್.

13ನೇ ಸೆಪ್ಟೆಂಬರ್ 2012ಕ್ಕೆ ಸ್ವರ್ಗಸ್ಥರಾಯೆರ್. ಸಕಲಕಲಾವಲ್ಲಭ, ಬಹುಮುಖ ಪ್ರತಿಭೆ ಆಯಿನ ಡಾ॥ ವೆಂಕಟರಾಜ ಪುಣಿಂಚಿತ್ತಾಯೆರ್ ತುಳುನಾಡ್ ಗಾದ್, ತುಳು ಬಾಸೆಗಾದ್ ಪೊರ್ಮಿನ ಮೆರೆನ ನೆಂಪುಗಾದ್ ಪ್ರತಿ ವರ್ಷ ಆರ್ ಪುಟ್ಟು ದಿನ ಪಂಡ ಅಕ್ಟೋಬರ್ 10 ನೇ ತೇದಿಗ್ "ತುಳು ಲಿಪಿ ದಿನೊ" ಪಂಡ್ಜ್ ಆಚರಣೆ ಮಲ್ಪುವ.

World Tulu Script Day is celebrated to honor the birthday of Dr. Puninchithaya, who made significant contributions to deciphering Tulu manuscripts. 

 

Here are some other facts about the Tulu script: 

1. The Tulu script is descended from the Brahmi script through the Grantha script. 

2. It is similar to the Malayalam script, Tigalari Script and is considered a sister script. 

3. The Tulu script has two varieties: Traditional & Modern

4. The Malayalam script is also known as Tulu Malayalam lipi in Malayalam-speaking regions. 

5. The Tigalari script is also known as Tulu Tigalari lipi in Kannada speaking regions. 

6. The Tulu script Will added to the Unicode Standard, which makes it easier to use in digital communication.