ಕಟೀಲ್ ಶಾಲೆದ ತುಲು ಲಿಪಿ ಪರೀಕ್ಷ ಫಲಿತಾಂಶ ಪ್ರಕಟ

 

ಶ್ರೀ ದುರ್ಗಾಪರಮೇಶ್ವರಿ ದೇವಳ ಪ್ರೌಢ ಶಾಲೆ ಕಟೀಲ್, ಶ್ರೀ ದುರ್ಗಾಪರಮೇಶ್ವರಿ ದೇವಳ ಇಂಗ್ಲೀಷ್ ಮೀಡಿಯಂ ಹೈಸ್ಕೂಲ್ ಕಟೀಲ್ ಬೊಕ್ಕ ಜೈ ತುಲುನಾಡ್ (ರಿ.) ಕೂಟದ  ಮುತಾಲಿಕೆಡ್ ನಡತ್ತಿತ್ತಿನ "ಬಲೆ ತುಲು ಲಿಪಿ ಕಲ್ಪುಗ" ಕಜ್ಜಕೊಟ್ಯದ ತುಲು ಲಿಪಿ ಪರೀಕ್ಷೆ ದ ಫಲಿತಾಂಶ ಆಗಸ್ಟ್ 16 ತೇದಿದಾನಿ ಪ್ರಕಟ ಆಂಡ್. ತುಲು ಲಿಪಿ ಪರೀಕ್ಷೆಡ್ 8ನೇ ತರಗತಿದ ಸುಭಾಷ್ (97 ಅಂಕ) ಕಡೀರ ತಾನೊ , ರಿಷಿತ್ (96 ಅಂಕ) ರಡ್ಡನೇ ತಾನೊ, ಸುಮಂತ್ ಎಂ ಎಸ್ (95 ಅಂಕ) ಮೂಜಿನೇ ತಾನೊ,‌ 9ನೇ ತರಗತಿದ ಚ್ಯವಣ ಉಡುಪ (99 ಅಂಕ) ಕಡೀರ ತಾನೊ, ಸಮೀಕ್ಷಾ ಎಸ್ (99 ಅಂಕ) ಕಡೀರ ತಾನೊ, ಚಿನ್ಮಯಿ ಎಂ ಕೆ (97 ಅಂಕ) ರಡ್ಡನೇ ತಾನೊ, ತ್ರಿಷಾ ಆಚಾರ್ಯ (97 ಅಂಕ) ರಡ್ಡನೇ ತಾನೊ, ಸಿಂಚನಾ (96 ಅಂಕ) ಮೂಜಿನೇ ತಾನೊ, 10ನೇ ತರಗತಿದ ಬೃಂದಾ (97 ಅಂಕ) ಕಡೀರ ತಾನೊ, ರಚನಾ (96 ಅಂಕ) ರಡ್ಡನೇ ತಾನೊ, ರಿಶಿತಾ ಪೂಜಾರಿ (95 ಅಂಕ) ಮೂಜಿನೇ ತಾನೊ ಪಡೆತೆರ್ .ತುಲು ಲಿಪಿ ಪರೀಕ್ಷೆ ಜುಲೈ 13 ತೇದಿದಾನಿ ನಡತಿತ್ತ್ಂಡ್. ಪರೀಕ್ಷೆ ಬರೆಯಿನ ಮಾತಾ ಜೋಕುಲು  ಎಡ್ಡೆ ಅಂಕೊಲೆನ್ ಪಡೆತೆರ್.  ತುಲು ಲಿಪಿ ಕಜ್ಜಕೊಟ್ಯೊನು ಜೈ ತುಲುನಾಡ್(ರಿ.) ಕೂಟದ ಗುರ್ಕಾರ್ಲಾಯಿನ ಉದಯ್ ಪೂಂಜ ತಾರಿಪಾಡಿಗುತ್ತು, ತುಲು ಲಿಪಿ ಕಲ್ಪಾದಿಲು ಆಯಿನ ಕಿರಣ್ ತುಲುವೆ, ತುಲು ಲಿಪಿ ಸಮಿತಿದ ಒತ್ತು ನಿದಯಂತೆರ್ ಆಯಿನ ಚಿರಶ್ರೀ, ಒತ್ತು ಕಾರ್ಯಂತೆರ್ ಆಯಿನ ಪೃಥ್ವಿ ತುಲುವೆ, ಕಾರ್ಯಕಾರಿ ಸಮಿತಿದ ಪದುಕೆರ್ ಆಯಿನ ಪ್ರತೀಕ್ ತುಲುವೆ, ತುಲು ಲಿಪಿ ಕಲ್ಪಾದಿ ಪ್ರಶಾಂತ್ ನಡಪಾದ್ ಕೊರ್ದಿತ್ತೆರ್.