Jai Tulunad (R.)

  ಬಲೆ ತುಲು ಲಿಪಿಟ್ ಪುದರ್ ಬರೆಕ - ಸುರತ್ಕಲ್ - 01.11.2024 ಕರಾವಳಿ ಸೇವಾ ಪ್ರತಿಷ್ಠಾನ (ರಿ.) ಸುರತ್ಕಲ್ ಕುಡ್ಲ ಮೊಕಲ್ನ ಮುತಾಲಿಕೆಡ್ ನಡಪುನ ದೀಪಾವಳಿ ಉತ್ಸವ 2024 ಲೇಸ್‌ಡ್ ಜೈ ತುಲುನಾಡ್ (ರಿ.) ಕೂಟದ ಒಟ್ಟು ಸೇರಿಗೆಡ್ ಬಲೆ ತುಲು ಲಿಪಿಟ್ ಪುದರ್ ಬರೆಕ ಕಜ್ಜಕೊಟ್ಯ ನಡತ್ತ್ಂಡ್. ಈ ಲೇಸ್‌ನ್ ಜೈ ತುಲುನಾಡ್ (ರಿ.) ಕೂಟದ ಗುರ್ಕಾರ್ಲು ಆಯಿನ ಉದಯ್ ಪೂಂಜ ತಾರಿಪಾಡಿ ಗುತ್ತು, ಸ್ಥಾಪಕ ಸಮಿತಿದ ಸದಸ್ಯೆರ್ ಆಯಿನ ಕಿರಣ್ ತುಲುವೆ, ಕುಡ್ಲ ಎಗ್ಗೆದ ಕಾರ್ಯಂತೆರ್ ಆಯಿನ ಲತಾ ಡಿಂಪಲ್, ಕುಡ್ಲ ಎಗ್ಗೆದ ಕಾರ್ಯಕಾರಿ ಸಮಿತಿದ ಪದುಕೆರ್ ಆಯಿನ ಶರತ್‌ರಾಜ್ ಬೊಕ್ಕ ಯಶಿಕಾ ನಡಪಾದ್ ಕೊರಿಯೆರ್.  ಈ ಲೇಸ್‌ಡ್ ಕುಡ್ಲ ಬಡಕಾಯಿ ವಿಧಾನಸಭಾ ಕ್ಷೇತ್ರದ ಶಾಸಕೆರ್ ಆಯಿನ ಡಾ. ವೈ ಭರತ್ ಶೆಟ್ಟಿ ಬೊಕ್ಕ ಕುಡ್ಲ ಪಾಲಿಕೆದ ಸದಸ್ಯೆರ್, ಕರಾವಳಿ ಸೇವಾ ಪ್ರತಿಷ್ಠಾನದ ಸದಸ್ಯೆರ್ ಪಾಲ್ ದೆತೊಂಡೆರ್ PHOTOS:

  ಜೈ ತುಲುನಾಡ್ (ರಿ.) ಒಡಿಪು ಎಗ್ಗೆದ ಉದಿಪನ - 03.11.2೦24 ಬೇತೆ ಬಾಸೆಲೆಗ್ ಆಡಳಿತಾತ್ಮಕವಾಯಿನ ರಕ್ಷಣೆ ಉಂಡು. ಆಂಡ ತುಳುಬಾಸೆಗ್ ಆಡಳಿತಾತ್ಮಕವಾಯಿನ ರಕ್ಷಣೆ ಇಜ್ಜಿ. ಅಂಚಾದ್ ತುಳುಬಾಸೆನ್ ತುಳುಸಂಘಟನೆಲು ಮಾತ್ರ ರಕ್ಷಣೆ ಮಲ್ಲೊಡಾಯಿನ ಅಗತ್ಯ ಉಂಡು. ಆ ನಿಟ್ಟುಡ್ ಜೈ ತುಳುನಾಡ್ ಸಂಘಟನೆ ತುಳುಬಾಸೆಗ್ ಕೊರ್ಪಿನ ಕೊಡುಗೆ ಬಾರೀ ಮಲ್ಲ ಪಂಡುದ್ ಸಿರಿ ತುಳುವ ಚಾವಡಿ ಒಡಿಪುದ ಗುರ್ಕಾರೆರಾಯಿನ ಡಾ. ಗಣನಾಥ ಎಕ್ಕಾರ್ ಪಂಡೆರ್. ಆರು ಬನ್ನಂಜೆ ನಾರಾಯಣ ಗುರು ಮಂದಿರದ ಸಭಾಭವನೊಡ್ ನಡತಿನ ಜೈ ತುಲುನಾಡ್ . ಸಂಘಟನೆದ ಒಡಿಪು ಎಗ್ಗೆನ್ ಉದಿಪನ ಮಲ್ತುದ್ ಪಾತೆರಿಯೆರ್ ರಾಜಕಾರಣಿಲು ವೇದಿಕೆಡ್ ತುಳುತ್ತ ಬಗೆಟ್ ಪಾತೆರುವೆರ್. ಆಂಡ ಏರ್ಲಾ ತುಳುಬಾಸೆದ ಏಳಿಗೆಗಾದ್ ಬಲವಾದ್ ಉಂತುದುಜೆ‌ರ್. ಅಂಚಾದ್ ತುಳು ಪಿರ ಒರಿಯೊಂದುಂಡ್. ಆಂಡ ತುಳುಪರ ಸಂಘಟನೆಲು ತುಳುಬಾಸೆಗ್ ಗಟ್ಟಿಯಾಯಿನ ರಕ್ಷಣೆ ಕೊರೊಂದು ಬತ್ತಿನೆಡ್ಡಾವರ ತುಳುಬಾಸೆ ಒರಿಯೊಂದುಂಡ್ ಪಂಡುದ್ ಆರು ಈ ಪೊರ್ತುಡ್ ಪಂಡೆರ್. ಒಡಿಪು ಎಗ್ಗೆದ ಗುರ್ಕಾರ್ದಿಯಾದ್ ಈ ಪೊರ್ತುಡ್ ಶ್ರೀಮತಿ ಸುಶೀಲ ಜಯಕರ್ ಮೆರೆನ್ ಆಯ್ಕೆ ಮತ್ತೆ‌ರ್. ಅಂಚೆನೇ ಬಾಕಿದ ಪದಾಧಿಕಾರಿಲೆನ ಆಯ್ಕೆ ಪ್ರಕ್ರಿಯೆ ವೇದಿಕೆಡ್ ನಡತುಂಡ್.ಒಡಿಪು ಎಗ್ಗೆದ ಉದಿಪನದ ಕಷ್ಟೊದ ಮಿತ್ತರ್ಮೆಡ್ ಸಂಘಟನೆದ ಕೇಂದ್ರ ಸಮಿತಿದ ಪ್ರಧಾನ ಕಾರ್ಯಂತೆದಿ ಪೂರ್ಣಿಮಾ ಬಂಟ್ವಾಳ ಮೇರ್ ಗುರ್ಕಾರ್ಮೆಡಿತ್ತುದ್ ಒಡಿಪು ಎಗ್ಗೆಗ್ ಆಯ್ಕೆ ಆಯಿನ ಪೊಸ ಪದಾಧಿಕಾ...